Solucións para reducir o plástico mariño e darlle unha segunda vida nunha xornada en Sada
●
O GALP Golfo
Ártabro Sur organizou no día de hoxe “Por un mar de vida e oportunidades”, que
pretendeu concienciar sobre os plásticos que contaminan o mar.
●
No acto de inauguración do evento estiveron o presidente do GALP Golfo Ártabro Sur, o alcalde do
Concello de Sada e o xestor da Reserva de
Biosfera Mariñas Coruñesas e Terras do Mandeo.
Sada, 30 de
agosto. Recoller un fío na praia ou apañar un anaco de plástico nunha
inmersión no mar. Estas accións son algunhas das que destacaron os poñentes da
xornada “Por un mar de vida e
oportunidades” á hora de concienciar aos asistentes sobre a necesidade de
actuar e dar unha resposta á contaminación de residuos no mar. O evento, centrado nos plásticos mariños, tivo lugar esta
mañá, venres 30 de agosto, no salón
de plenos do Concello de Sada.
Esta xornada -organizada polo GALP
Golfo Ártabro Sur coa que colaborou o Concello
de Sada e a Reserva de Biosfera
Mariñas Coruñesas e Terras do Mandeo- achegou a unha trintena de persoas os
retos e os coñecementos para reducir, eliminar e reempregar os plásticos e
residuos que contaminan os océanos. Na charla resaltouse a necesidade de
darlles unha segunda vida, constituíndo unha oportunidade para o emprendemento.
O evento
dividiuse en tres bloques temáticos e contou coa poñencia de organismos e
empresas relacionadas co mar e expertas na temática.
O primeiro
bloque, “Coñecemento e retos para a
reducción e eliminación dos plásticos mariños”, contou coas intervencións
de Luis Gómez de CETMAR que presentou as iniciativas ML-Style e CleanAtlantic, e de Garbine Ayensa de
INTECMAR, que profundizou no proxecto CleanAtlantic.
“La cantidad
de peso en vida marina va a ser inferior al peso de plástico en el mar”,
afirmou Samuel Fernández, de Agua Sin Huella. Un dato impactante que
aprovecitou para presentar na mesa de
experiencias, segundo bloque. Na mesma, Xosé Manuel Barros, de Mar de
Fábula, explicou as actividades de limpeza nas praias da contorna. Neste bloque
tamén participou Rubén Lucas Ayuso, de Nauga, quen anunciou que o próximo 22 de
setembro terá lugar unha inmersión na que os buceadores recollerán todo o
plástico que se atopen no Parrote (A Coruña). O evento coincidirá co Festival
Mar de Mares, e contará coa participación de bombeiros, Armada, Guardia Civil,
Cruz Roja e Salvamento Marítimo, entre outros.
O bloque “residuos e plásticos mariños como unha
oportunidade para o emprendemento” pechou a xornada coa presenza das
Redeiras de Corme, Mª Jesús Veiga e Rosa Isabel Rodríguez. Estas amosaron o seu
traballo reempregando materiais do mar (como o neopreno) para facer bolsos,
pulseiras, colares, etc. Neste bloque Sara Güemes, da ONG SEO/BirdLife,
insistiu en poñer o foco “en el problema, pero también en la solución”. Na súa
intervención quixo presentar o Proxecto Libera. A encargada de pechar a xornada
foi Rosa Chavarri, de Ecoembes, que presentou Upcycling The Oceans, iniciativa conxunta con Ecoalf.
Con estas
xornadas, o GALP Golfo Ártabro Sur
mantén o seu compromiso medioambiental e busca promover o coidado do mar e, en
xeral, do medio ambiente entre os asistentes. Moitas grazas a todas as
persoas que asistiron e, por suposto, aos poñentes, que amosándonos o seu
traballo conseguiron concienciarnos un pouco máis, se cabe, sobre a situación e
sobre como responder a ela.
.jpg)
Comentarios
Publicar un comentario