Último mes para solicitar as subvencións do GALP Golfo Ártabro Sur

-

 ·         O luns 1 de marzo finaliza a última convocatoria das axudas europeas do FEMP destinadas a financiar iniciativas relacionadas co mar e coa pesca.

 


Sada, 3 de febreiro de 2021.- O próximo luns 1 de marzo finaliza a última convocatoria para que particulares, empresas ou entidades soliciten as axudas europeas do Fondo Europeo Marítimo e da Pesca (FEMP) tramitadas polo GALP Golfo Ártabro Sur. Están destinadas a financiar proxectos vinculados co mundo do mar e da pesca, directa ou indirectamente, na súa área de actuación que comprende os concellos de Bergondo, Sada, Oleiros, Cambre, Culleredo, A Coruña e Arteixo. O apoio económico, a fondo perdido, pode ser de entre o 50 e o 100% da inversión solicitada.

Nesta anualidade, o GALP Golfo Ártabro Sur dispón dun crédito de 750.000 mil euros para impulsar o desenvolvemento social e económico dunha zona costeira cun gran potencial na que xa leva apoiadas 32 iniciativas con 2,4M€ relacionadas coa pesca extractiva, co medio ambiente, co turismo, coa cultura ou coa memoria histórica.

Así mesmo, e co obxectivo de dar máis facilidades aos solicitantes, segue mantendo un acordo con ABANCA para que, quen o precise, poida obter un financiamento a medida para completar a parte do presuposto non subvencionado.

 

Requisitos
Os interesados poden ampliar información na sede física do GALP Golfo Ártabro Sur, situada na Casa do Mar de Sada (avda. do Porto, 21. Baixo), por teléfono (881 896 417 / 617 867 820) ou no correo electrónico galpgolfoartabrosur@gmail.com.

O equipo técnico do GALP tamén ofrece asesoramento e acompañamento durante todo o proceso administrativo para que os trámites resulten máis sinxelos.



Ubicación: Galicia, España

Comentarios

Publicar un comentario

Entradas populares de este blog

Aberta a nova convocatoria de axudas 2024

-
Imagen
  Dende o día 1 de febreiro xa se poden solicitar axudas ao mundo do mar mediante os fondos FEMPA.   Hoxe foron publicadas no DOGA a nova convocatoria de axudas FEMPA para esta anualidade 2024, que se poderá solicitar en sede electrónica mediante o procedemento PE155A. https://www.xunta.gal/dog/Publicados/2024/20240131/AnuncioG0427-291223-0001_es.html  Dende o GALP Golfo Ártabro Sur, estase a comunicar a tódolos posibles promotores cos que se mantivo reunión, que xa está aberto o prazo para a presentación das axudas, e lembrar que é moi importante poñerse en contacto co grupo antes da presentación dos proxectos. Isto permite comprobar que toda a documentación está correctamente cumprimentada, e así evitar a inadmisión de axudas por problemas de forma na documentación. Nas redes sociais e no blog do grupo, atoparase máis información das axudas e o procedemento de solicitude. Dende o GALP estase a ver esta convocatoria con grandes expectativas, pois espérase acadar o millón de
Leer más

Éxito rotundo na convocatoria de axudas 2024

-
Imagen
  O GALP Golfo Ártabro Sur recibe proxectos por máis de 1.500.000 euros. O GALP Golfo Ártabro Sur consegue un importante éxito nesta convocatoria de axudas 2024, acollendo proxectos por máis de 1.500.000 euros. Tras o fito acadado na primeira convocatoria das axudas FEMPA no ano 2023, con proxectos por máis de medio millon de euros, o GALP triplica este logro e acaba proxectos por máis de un millón e medio de euros no 2024. Este resultado na convocatoria é o colofón a uns meses de grande traballo dende a equipa técnica e xunta directiva para lograr acadar os resultados e compromisos da Estratexia de Desenvolvemento Local Participativo (EDLP), que o grupo elaborou para a xestión dos fondos FEMPA no territorio. Entidades de todo tipo do territorio son os promotores, que presentaron os seus proxectos ao longo do mes de febreiro. As temáticas dos proxectos son moi variables, pero vese unha importante presenza do sector pesqueiro e de actividades vencelladas a él. Cabe destacar ta
Leer más

Un estudo ambiental contabiliza en 2.226 a poboación de especies mariñas e terrestes do territorio

-
Imagen
A mostra sobre esta investigación pode verse na sede do GALP Golfo Ártabro Sur ata finais de xaneiro. Todas as entidades interesadas poden solicitarlla á entidade de xeito gratuíto. O Grupo Naturalista Hábitat presentou o estudo “Descubrindo os ecosistemas do Golfo Ártabro Sur” que realizou a instancias da entidade co obxectivo de facer unha radiografía ambiental do territorio a día de hoxe. O resumo do mesmo está “condensado” na exposición do mesmo nome e que ata finais de xaneiro se pode ver na sede do GALP (1ª planta da Casa do Mar de Sada). A mostra está a disposición de todas as entidades que a soliciten no email galpgolfoartabrosur@gmail.com ou nos teléfonos 881 896 417 – 604 053 257. Tras meses de investigación, os investigadores de Hábitat determinaron que nos 7 municipios de Bergondo, Sada, Oleiros, Cambre, Culleredo, A Coruña e Arteixo hai unha poboación total de 2.226 especies, das cales 826 son mariñas e 1.271 terrestres, e 129 poden estar presentes tanto na costa e coma
Leer más