GALP Golfo Ártabro Sur

O pasado martes 22 de xuño tivo lugar en Santiago a presentación oral dos traballos da segunda edición do programa Relevo2020. O xurado comprobou que todas as ideas expostas polo alumnado contribuían á dinamización do seu territorio e, ademais do esforzo por sintetizar a formación recibida nos pasados catro meses, eran tamén un gran exemplo de emprendemento para dinamizar economicamente o sector pesqueiro local buscando novas vías de negocio. As valoracións da parte oral e escrita xa están publicadas na web relevo2020.org e nas oficinas dos GALP. O candidato de cada GALP que obteña a maior puntuación total participará nunha viaxe de estudo ao País Vasco que, se a situación o permite, levarase a cabo o próximo mes de setembro.   𝗥𝗲𝗹𝗲𝘃𝗼𝟮𝟬𝟮𝟬 é un dos tres programas de cooperación dos Grupos de Acción Local do sector Pesqueiro (GALP) nos que está asociado o GALP Golfo Ártabro Sur. Neste caso xunto co GALP A Mariña-Ortegal, GALP Golfo Ártabro Norte, GALP Costa Sostible e GAL

O Aquarium Finisterrae foi o primeiro museo da Rede de Espazos con contido Museístico Atlántico (REMA) en acoller a exposición temporal "A Campaña do Argus", cedida polo Museo Marítimo de Ílhavo (Portugal), e que puido visitarse entre o 31 de marzo e o 26 de xuño. Durante estes case dous meses, recibiu máis de 23.300 visitantes que destacaron o valor dos mariñeiros para levar a cabo esas campañas tan longas en Terranova atravesando o océano Atlántico, con condicións climatolóxicas tan adversas e con medios materiais tan escasos e rudimentarios. As persoas que se achegaron ata o Aquarium da Coruña puideron admirar o traballo realizado polo reporteiro do National Geographic Magazine e oficial da Armada australiana, Alan Villiers, que durante cinco meses de 1950 acompañou a un grupo de mariñeiros portugueses na pesca de bacallau polos caladoiros de Terranova (Canadá) a bordo do barco Argus. Con esta iniciativa da Rede REMA preténdese poñer en valor a cultura mariñeira como e

Finalizada a competición entre os colexios galegos, o xogo escape room en liña REMA 360º xa está dispoñible en aberto para calquera usuario. Os catro centros do territorio GALP Golfo Ártabro Sur que participaron foron o IES Elviña e IES Rafael Dieste de A Coruña, o IES Mosteirón de Sada e o CPI Cruz do Sar de Bergondo . Como se xoga? O fío argumental do xogo é unha catástrofe para a comunicación marítima e o correcto funcionamento da economía pesqueira galega. Os faros da costa atlántica non funcionan correctamente ao apagarse totalmente nalgunhas ocasións, deixando desvalidos aos barcos que navegan pola zona, e ao brillar en exceso noutras, provocando naufraxios. A razón deste suceso parece desvelarse nunhas mensaxes que chegan a terra en botellas desde hai anos e nas que unha muller conta que quedou atrapada neste mundo porque perdeu o cofre cos seus recordos. Os usuario, igual ca fixeron os alumnos nos pasados meses, deberán ir superando as distintas probas para resolver o mis

  O pasado venres 18 de xuño, o GALP Golfo Ártabro Sur celebrou a súa Asemblea Ordinaria. Este encontro anual ao que acoden os socios da agrupación, tivo lugar ás 18:00h no Multiusos A Senra de Bergondo. Esta anualidade, a pesar da situación epidemiolóxica actual, tivo unha boa acollida entre os socios; pois garantíronse todas as medidas sanitarias na súa realización, cumpríndose todos os protocolos COVID establecidos. Durante a asemblea presentouse a Memoria da anualidade 2020, na que se recollían todas as actividades de difusión, os proxectos presentados e a xustificación dos mesmos, así como os acontecementos máis relevantes para o grupo durante ese ano. A Asemblea aprobou por unanimidade o documento. Por outra banda, tamén se presentaron as contas do ano 2020 que foron aprobadas igualmente por unanimidade, do mesmo xeito que o orzamento previsto para a anualidade 2021. Tamén se aprobaron por unanimidade a previsión de actividades para a anualidade 2021. O GALP Golfo Ártabro S

  A VI sesión plenaria de Red Española de Grupos de Pesca (REGP) celebrouse os días 7 e 8 de xuño por vía telemática baixo o título “Situando o Desenvolvemento Local Participativo (DLP) en futuro” contando coa asistencia de 83 participantes en representación de 32 dos 41 Grupos de Acción Local Pesqueiros (GALP), os Organismos Intermedios de Xestión (OIG) do Fondo Europeo Marítimo e Pesqueiro (FEMP) e das redes española e europea de grupos de pesca. Durante o encontro, o Ministerio de Agricultura, Pesca y Alimentación (MAPA) animou a todos os Grupos de Acción Local de Pesca a participar activamente na preparación do programa de Desenvolvemento Local Participativo para o próximo período 2021-2027, co obxectivo de poder contar, a principios de 2022, cun programa operativo do Fondo Europeo Marítimo, Pesqueiro e Acuícola (FEMPA) aprobado pola Comisión Europea (CE). Neste sentido, o director xeral de Ordenación Pesquera y Acuicultura do MAPA, Juan Ignacio Gandarias, subliñou que é necesari

O encontro foi aproveitado para compartir opinións e puntos de vista sobre diversos temas administrativos e relativos á ampliación da estratexia de desenvolvemento local participativo (DLP). Tamén se presentaron tres proxectos subvencionados en pasadas convocatorias como son o evento Maridar, a empresa de economía circular Recuperamos e varios de eficiencia enerxética na Lonxa da Coruña. Responsables da    Red Española de Grupos de Pesca (REGP)  realizaron a mediados de maio unha visita virtual ao territorio do GALP Golfo Ártabro Sur para coñecer o seu traballo e varios dos proxectos subvencionados e de cooperación nos que participa (Tanza, Red REMA e Relevo 2020). Neste sentido, desde o GALP manifestaron a satisfacción porque a entidade estatal se interesase pola súa actividade.   A  Red Española de Grupos de Pesca (REGP)  é a plataforma oficial do Ministerio de Agricultura, Pesca y Alimentación (MAPA) para a aprendizaxe e interacción entre todos os GALP de España. É unha canle de

Das 28 solicitudes recibidas na pasada convocatoria de subvencións, propuxéronse 23 e 5 permanecen en lista de espera. O éxito de concorrencia supón o investimento do total do crédito europeo adxudicado ao territorio GALP Golfo Ártabro Sur a través dos fondos FEMP para o período 2017-2021 (3.000.000€). O foco dos proxectos está relacionado con 4 eixos principais como son a consolidación da cadea de valor engadido nos produtos pesqueiros, a diversificación do sector, a preservación medioambiental e redución da pegada de carbono e a recuperación do patrimonio cultural para contribuír á identidade territorial. O GALP Golfo Ártabro Sur seleccionou provisionalmente, á espera de resolución definitiva por parte da Consellería do Mar da Xunta de Galicia, os proxectos que obtiveron maior puntuación para a execución da súa Estratexia de Desenvolvemento Local Participativo (EDLP). En total, recibiron 28 solicitudes das que foron aprobadas 23. Destas, 18 serán executadas con cargo ao remanente par