O GALP Golfo Ártabro Sur asina un convenio de colaboración con Abanca para financiar os seus proxectos
A Confraría de Pescadores de Sada foi o lugar escollido para estampar hoxe, venres 1 de xuño, a firma dun novo convenio entre o GALP Golfo Ártabro Sur e Abanca para financiar proxectos de promotores que se presenten ao grupo. O convenio aplicarase a todas as novas iniciativas que se presenten pero as condicións económicas serán diferentes se están vinculadas ao sector pesqueiro ou se non. Por parte do GALP Golfo Ártabro Sur asistiu o seu presidente, Andrés García Boutureira, e o seu secretario, José Garrote Martín, mentres que en representación da entidade financeira acudiu o seu director de zona, José Ulfe Bugallo. O obxectivo que se persegue desde o Grupo é lograr que un maior número de asociados poidan levar a cabo os seus proxectos produtivos e, ademais deste convenio, ata o 1 de marzo de 2020 estará aberto o prazo para optar ás axudas do GALP ao amparo da súa Estratexia de Desenvolvimiento Local Participativo.