GALP Golfo Ártabro Sur

As axudas que o GALP Golfo Átrabro sur aporta ao abeiro da súa estratexia local de desenvolvemento participativo teñen o obxectivo de facer realidade determinados proxectos financieramente sostibles, para investimento produtivo ou non produtivo. Os últimos exemplos físicos deste plan de subvencións son Pescaderías Sonia e Mariscos Emilio Méndez. Ámbolos dous son proxectos financiados polo GALP a través dos fondos da Federación Española de Municipios e Provincias (FEMP) e da Xunta de Galicia.  Pescaderías Sonia é unha empresa de venta de peixe e marisco que actualmente se atopa situada no posto 17 do mercado coruñés de Elviña e que, fai pouco, ampliou as sús instalacións adquirindo o posto 18 do mesmo mercado. Ademais, facilitan a compra diaria grazas ao seu sistema de encargos por teléfono, aforrándolle así ao cliente tempos de espera. Solicitaron a achega do GALP co obxectivo da mellora da comercialización do peixe de cercanía a través de Peixerías Innovadoras.  Por

O Grupo de Acción Local do Sector Pesqueiro Golfo Ártabro Sur financia a traves da súa Estratexia de Desenvolvemento Local Participativa financiada polo FEMP e a Consellería do Mar, o proxecto 'Vaia Peixe' impulsado pola Asociación de Minoristas do Porto da Coruña e que ten como obxectivo principal promocionar o #peixe 🐟 de proximidade. O que se pretende a través desta iniciativa é informar á cidadanía de que o mellor peixe é o que poden atopar nas peixerías que teñen máis preto. Alí o cliente terá a certeza de mercar peixe de tempada que se pescou na súa zona. Ademais, benefíciase o peto de cada un xa que se consegue un produto da mellor calidade a un menor prezo.  No mes de decembro a Asociación de Minoristas do Porto da Coruña realizou unha campaña a pé de rúa para facer ver que na Coruña e na comarca contamos cun dos mellores peixes e mariscos de todo o mundo. máis información aqúí

Hoxe, a Facultade de Dereito da Universidade da Coruña acolleu a  II Xornada sobre a Pesca do Cerco, organizada pola Asociación de Armadores do Cerco de Galicia. A xornada, titulada 'Inspección, control e réxime sancionador na pesca do cerco', levouse a cabo durante toda a mañá e contou con relatores expertos na materia e coa presencia da Conselleira do Mar, Rosa Quintana. Nas diferentes intervencións tratáronse temas de elevada importancia para o sector pesqueiro como 'A inspección e o control da pesca nas augas interiores galegas' ou 'A función inspectora e sancionadora do Estado en materia de pesca marítima con especial atención ás especies con TAC, Programa GESCuotas, entre outras, que correron a cargo dun representante da Consellería do Mar e da subdirectora xeral de Control e Inspección de Pesca do MAPAMA, Teresa Molina Schmid. O acto rematou cunha mesa redonda na que os relatores intercambiaron datos, opinións e expuxeron as súas dúbidas ou i

Mañá comeza en Vigo o seminario  “ Los GALP y la gestión local de recursos ”, organizado pola Red Europea de Zonas de Pesca (FARNET). O seminario levarase a cabo do 13 ao 15 de marzo e se desenvolverá en diferentes lugares da cidade de Vigo, centrándose a actividade no centro de conferencias 'Mar de Vigo'. O obxectivo principal desta xuntanza é mellorar o apoio dos GALP co fin de optimizar a xestión dos recursos locais, coñecendo como poden contribuír activamente os GALP a un enfoque ascendente na xestión dos recursos locais e que papel poden desempeñar neste proceso e tamén como poden os GALP axudar a mellorar a sustentabilidade das actividades locais e á conservación do medio ambiente. Para iso, o martes 13 realizaranse as primeiras actividades de toma de contacto entre os participantes, que deixarán paso o martes aos diferentes seminarios que hai programados sobre a materia a tratar. As conferencias continuarán o xoves, último día da xornada, data escollida

Aínda non coñeces Candieira? É un proxecto de cooperación e traballo impulsado polos Grupos de Acción Local do Sector Pesqueiro (GALP) que nace para favorecer o emprendemento das mulleres nas zonas costeiras de Galicia. Estamos falando dunha rede de apoio para as mulleres do mar que teñen necesidade de intercambiar saberes e coñecementos. Candieira tamén traballa na súa formación e na súa promoción, organizando diferentes obradoiros ou programas de orientación laboral como é o caso de 'Embarca'. Candieira viaxa por todos os municipios costeiros dos GALP e «enreda» a diferentes axentes vinculados á igualdade, o emprendemento e a innovación creando así un grupo para conducir o proxecto. Consulta na súa web, www.candieira.net , as datas dos seguintes encontros abertos e... participa!