GALP Golfo Ártabro Sur

O día despois deste atípico San Xoán, Manuel Casal aténdenos por teléfono cunha enerxía que contaxia. Xerente de Frigoríficas Botana, unha empresa conxeladora que opera con peixe fresco e conxelado situada no porto da Coruña, danos a súa visión global do sector, o que supuxo para a súa empresa e as oportunidades que está provocando. Comezamos! 1.        Para poñernos en situación, podedes contarnos un pouco sobre a vosa actividade? Si claro, Frigoríficas Botana traballa en dous tipos de mercado; o de fresco que fornece ao mercado no día a día e o de conxelado, onde vai o produto que non foi ao mercado de fresco, excedente, campañas ou ata especies migratorias. É dicir, mercamos produto nas canles locais, procesámolos e aportamos valor engadido neste proceso para a posteriori comercializalo en múltiples canles, sobre todo en mercados internacionais como África, Oriente medio e Europa do Leste, aínda que tamén cada vez máis Asia. Por exemplo, que estea directamente relacionado co

A Xunta Directiva do GALP Golfo Ártabro Sur na reunión celebrada o día 22 de xuño de 2020, vista a proposta de resolución provisional do Equipo Técnico do GALP, fronte á que non se formularon alegacións no trámite de exposición pública previsto no artigo 24.3 da Orde pola que se establecen as bases reguladoras das axudas, e de conformidade cos criterios establecidos na EDLP, acordou aprobar a proposta de resolución definitiva que se axunta: PROPOSTA DE RESOLUCIÓN DEFINITIVA 1ª CONV. 2020 Esta proposta está tamén publicada na páxina www.galp.xunta.gal e no taboleiro de anuncios da oficina de dito GALP. Cabe destacar que esta proposta non crea ningún dereito a favor dos solicitantes propostos.

Hoxe entrevistamos na campaña “ Queda co noso mar ” a Ana Suero, copropietaria de Altavela, unha empresa con 20 anos de experiencias de facer do mar un lugar diferente para todos e todas. Titulacións, cursos e mantementos náuticos. Pero non só iso, achegar o mar e demostrar as posibilidades que nos ofrece para as experiencias e o lecer é un dos seus fortes. Comezamos! 1.        Para poñernos en situación, podedes contarnos un pouco sobre as actividades que realizades? Si, claro, ALTAVELA é unha empresa de servizos náuticos que naceu no ano 2000 e fundamentalmente o que facemos é formación e lecer náutico. Aínda que logo tamén traballamos outras ramas da náutica como poden ser mantemento, embarcacións e asesoramento á hora dunha compra ou unha venda dunha embarcación. E logo tamén temos algunhas actividades relacionadas co outdoor-training para traballos con empresas que facemos tamén na contorna náutica. Traballamos como escola de navegación tanto homologada como privada, con tod

Os cursos están organizados por A.C.M. Os Patexeiros e financiados polo GALP Golfo Ártabro Sur. Xa está aberto o prazo para inscribirse nos cursos de navegación en embarcación tradicional a vela que promove a asociación Os Patexeiros. Os cursos serán impartidos dende o 1 de xulio ao 15 de setembro, diariamente, sempre que as condicións climatolóxicas o permitan. Os participantes aprenderán: os preparativos previos a realizar antes da navegación, a importancia da seguridade e como realizar unha navegación segura, as partes dunha embarcación, o manexo da embarcación, as principais manobras para dirixir a embarcación, así como realizar as viradas, entre moitas outras cousas.  O obxectivo principal de estes cursos e poder aprender o manexo dunha embarcación tradicional propulsada a vela. Para que todas as persoas poidan participar e facelo de primeira man, repártense en quendas para que todos os tripulantes poidan manexar a embarcación e se afagan a ela manexando o timón dende o primeiro d

A Xunta Directiva do GALP Golfo Ártabro Sur en xuntanza celebrada hoxe 15 de xuño de 2020, acordou aprobar a proposta de resolución provisional de proxectos que se adxunta. Esta proposta está tamén publicada no taboleiro de anuncios da oficina de dito GALP e non crea ningún dereito a favor dos solicitantes propostos. Proposta de Resolución Provisional da Xunta Directiva 1ª Convocatoria 2020 Avaliación dos Proxectos Tal e como se reflicte no artigo 24.3 da Orde de bases do 21 de decembro de 2018, da Consellería do Mar, outorgase un prazo de alegacións contra esta resolución de 5 días hábiles contados dende a data da súa publicación.

E sábeno ben Cadenote Yacht, empresa afincada en Sada dende fai máis de 25 anos, que durante o confinamento, se amañou para montar unha rede de confección de mascarillas no Concello de Sada. De xeito altruísta, esta empresa servizos de náutica deportiva e de recreo, estivo regalando mascarillas a diferentes entidades e persoas do concello, así como de outros concellos próximos. Unha fermosa iniciativa que nos conta en “ Queda co noso mar ”, así como a súa visión da situación actual e como ven o futuro. 1.        Para poñernos en situación, podedes contarnos un pouco sobre as actividades que realizades? Temos un servizo moi amplo: a tenda de repostos náuticos, onde vendemos roupa técnica, acastillaje, cabullería , pinturas, elementos de seguridade, electrónica, etc.; temos un taller de reparación e mantemento de barcos, onde facemos arboraduras e enxarcias (por exemplo, cando se rompe un mastro ou un cable), de feito, neste terreo levamos a representación para toda Galicia e o norte

O grupo Isaac Lema, formado por Subastas Faraldo , Isaac Lema Pescaderías e Congelados la Naviera , é un exemplo de que con traballo e esforzo todo é posible. E por iso se suman á campaña “Queda co noso mar” , para contarnos como conseguiron saír exitosos da crise do COVID-19 e como ven o futuro do sector pesqueiro. Unha visión de futuro moi importante e moi a ter en conta a desta empresa, cuxas premisas son a innovación e a calidade. Moi atentos/as! 1.        Como vivistes no grupo a situación provocada polo COVID-19? Como a vedes agora? Cando se decretou o Estado de Alarma o que fixemos foi mandar a traballar dende a casa a toda a xente que non era imprescindible fisicamente na empresa. Por outro lado, como unha parte dos clientes correspóndese co sector da hostalaría e esa xente si que parou, o que fixemos foi poñer máis esforzo nas áreas comerciais (Carrefour, Alimerka, etc.) e nos mercados centrais, para recuperar esa parte da venda que estabamos perdendo. Todo o equipo