PRÓRROGAS E MODIFICACIÓNS

 

PROCESO DE PRÓRROGA

1.       REQUISITOS

No caso de que o beneficiario da axuda considere que non pode finalizar o proxecto ou cumprir os compromisos dentro do prazo sinalado na resolución de concesión da axuda poderá solicitar prórrogas, expoñendo as razóns motivadas polas que non pode cumprir co devandito prazo, e presentando unha memoria onde se especifique o grao de realización da actividade subvencionada e o novo cronograma de actuacións.

2.       PROCEDEMENTO

As modificacións deberan ser solicitadas polo beneficiario, mediante sede electrónica no procedemento PE155A de “Modificación ou mellora voluntaria da solicitude”, ante o GALP no prazo mínimo de dous meses de antelación á data de remate do prazo de execución nos casos en que supoñan variación da distribución de crédito por anualidades, e dun mes nos restantes.

Para o cómputo do prazo de execución terase por data de inicio da execución a de levantamento da acta de non inicio ou a data da solicitude cando esta acta non fose necesaria. O prazo de prórroga non poderá exceder da metade do tempo inicialmente concedido.

O GALP elevará a proposta de resolución á Dirección Xeral de Desenvolvemento Pesqueiro pola que se aprobe ou denegue a prórroga solicitada.

O incumprimento do prazo de execución dará lugar á perda de dereito da axuda concedida.

No caso de que a prórroga supoña unha variación da distribución do crédito por anualidades fixada na resolución inicial, a prórroga quedará supeditada á existencia de dispoñibilidade orzamentaria nas anualidades correspondentes.

 

3.       DOCUMENTACIÓN NECESARIA

Para a solicitude de prórroga será preciso enviar a documentación mínima que se especifica a continuación no prazo indicado, pero se o GALP o considera oportuno, poderá solicitar a documentación a maiores que considere necesaria.

a)       Memoria de prórroga   VER MODELO

b)      Calquera outra documentación que xustifique a necesidade de modificación.

 

 

 

 

PROCESO DE MODIFICACIÓN

1.       REQUISITOS

Poderase acordar a modificación da resolución de concesión, a instancia da persoa interesada, sempre que e cumpran os seguintes requisitos:

a)       Que  actividade ou modificación proposta estea comprendida dentro da finalidade das bases reguladoras e da convocatoria correspondentes.

b)      Que a modificación non cause prexuízos a terceiros

c)       Que os novos elementos ou circunstancias que motiven as modificacións, de teren concorrido na concesión inicial, non supuxesen a denegación da subvención ou a non selección do proxecto na concesión inicial.

d)      Que a modificación non supoña un incremento do importe subvencionado ou da porcentaxe da axuda.

2.       PROCEDEMENTO

As modificacións deberan ser solicitadas polo beneficiario, mediante sede electrónica no procedemento PE155A de “Modificación ou mellora voluntaria da solicitude”, ante o GALP con anterioridade á súa realización e con antelación suficiente. O GALP efectuará as comprobacións que considere pertinentes deixando constancia nunha acta, elevando a proposta de modificación da resolución á Consellería do Mar.

Os prazos de solicitude son os seguintes:

a)       Cando a modificación non supoña unha variación da distribución de crédito por anualidades deberán ser solicitadas ante o GALP no prazo mínimo de un mes de antelación á data de remate do prazo de execución.

b)      Nos casos en que supoña variación da distribución de crédito por anualidades, o prazo límite da solicitude será de dous meses de antelación a data de remate do prazo de execución.

No caso de que a modificación supoña unha variación da distribución do crédito por anualidades fixada na resolución inicial, a modificación quedará supeditada á existencia de dispoñibilidade orzamentaria nas anualidades correspondentes.

O GALP elevará a proposta á Dirección Xeral de Desenvolvemento Pesqueiro que aprobará ou denegará a modificación solicitada. A resolución será notificada ao promotor.

3.       DOCUMENTACIÓN NECESARIA.

Para a solicitude de modificacións será preciso enviar a documentación mínima que se especifica a continuación no prazo indicado, pero se o GALP o considera oportuno, poderá solicitar a documentación a maiores que considere necesaria.

c)       Memoria de modificación   VER MODELO

d)      Novos orzamentos (se fose necesario)

e)      Calquera outra documentación que xustifique a necesidade de modificación.