GALP Golfo Ártabro Sur

  O pasado 23 de outubro, Cuac FM acolleu unha tertulia especial sobre a terceira edición de "Son do Mar", o roteiro teatralizado organizado polo GALP Golfo Ártabro Sur, que pon en valor a cultura e a historia mariñeira das nosas costas. A entrevista reuniu a Federico López, xerente do GALP, Afonso García Penas, coordinador da actividade, e Xosé Eixo Branco, actor que dá vida ao personaxe de Ramón Boutureira, quen compartiron detalles sobre os aspectos culturais e patrimoniais que este evento promove. Durante a conversa, os participantes destacaron o compromiso de "Son do Mar" coa recuperación da memoria histórica do sector pesqueiro, a través dun percorrido que recrea a vida mariñeira dos anos 50 e 60 en puntos emblemáticos da cidade de A Coruña. Cada escena do roteiro e cada personaxe busca representar de xeito fiel a realidade e o traballo das xentes do mar, co obxectivo de conectar ao público co pasado e enriquecer o presente con esa experiencia vivida. "So...

Dende a década dos 50, o emblemático reloxo da lonxa de Sada xogou un papel crucial na modernización das subastas de peixe. Con el, as subastas automatizáronse, permitindo que os compradores puidesen poxar comodamente dende os seus asentos. O reloxo marcaba o comezo da poxa, iniciando a ruleta en 900 pesetas e, mentres a cifra descendía, os compradores agardaban o momento oportuno para premer o botón das súas cadeiras. Nese intre, o reloxo detíñase e o peixe quedaba adxudicado ao comprador, cuxo número se amosaba na pantalla. Este sistema revolucionario marcou unha transformación no sector pesqueiro, axilizando e modernizando un proceso tradicional, e converteuse nun símbolo de innovación para a época. Coa inauguración da nova lonxa de Sada, o reloxo pasou a ser un elemento imprescindible nas transaccións, mantendo a eficiencia e a transparencia nas subastas. Hoxe en día a subasta consisten en que unha vez descargado o peixe no porto, é levado á lonxa onde se pesa e etiqueta cada caixa...

Un ano máis, o GALP Golfo Ártabro Sur estivo presente no mercado mariñeiro das Festas do Carmen de Sada. Nesta ocasión, a a través do stand da Asociación Cultural Mariñeira Os Patexeiros.  Alí, entre o venres 16 e o domingo 18, visitantes e veciños poideron ver carteis, xogos, información sobre as axudas que tramita a entidade, información das especies mariñas e das tipoloxías das artes de pesca neste tramo de costa, libriños da Rede REMA para participar no sorteo das cestas de produtos mariñeiros ao visitar os museos adheridos e ir selando o Pasaporte Rema,…  A xunta directiva e xerencia do GALP Golfo Ártabro Sur quixo agradecer a colaboración e disposición á asociación Os Patexeiros para dar visibilidade ao seu traballo e cometido. Nas redes sociais do GALP Golfo Ártabro Sur publicouse unha completa galería de fotos que se pode ver clicando nesta ligazón:  https://www.facebook.com/media/set?vanity=galpartabrosur&set=a.1062514614153647