O GALP Golfo Ártabro Sur colaborador do XVI Encontro de Embarcacións Tradicionais de Galicia

 

Esta anualidade celebrouse en Sada o XVI Encontro de Embarcacións Tradicionais de Galicia entre os días 3 e 6 de agosto.

Entre os días 3 e 6 de agosto, celebrouse en Sada a XVI Encontro de Embarcacións Tradicionais de Galicia, na que colaborou o GALP Golfo Ártabro Sur. O programa do encontro no só estivo composto por saídas a navegar, senón que estivo complementado por multitude de actividades en terra para todas as idades, con talleres, música, xogos, teatro e propostas específicas para o público infantil.

Na do encontro inauguración contouse, entre outros, coa presenza do Conselleiro de Pesca Alfonso Villares, o alcalde de Sada, Benito Portela, a Directora Xeral de Desenvolvemento Pesqueiro Susana Rodriguez, o Director Xeral de Comercio, Manuel Heredia, o diputado provincial Xosé Pernas Corral, o Presidente do GALP Golfo Ártabro Sur, Alberto Castro e como anfitrións o presidente de Culturmar, José Luis Sacau e o presidente de “Os Patexeiros” Miguel Martínez Modroño.

Dezaseis anos despois de que a flota de Culturmar navegase augas de Ferrol, en 2007, volve ao Golfo Ártabro, a unha vila mariñeira por dereito propio como é Sada. Esta localidade puxante centro turístico de primeira magnitude cun vínculo directo co mar, conta cun dos portos deportivos máis importantes de todo o litoral galego e cantábrico, conserva unha importante actividade mariñeira e sobre todo un colectivo que salvagarda as mariñas tradicionais como é “Os Patexeiros”, que conseguen seguir salpicando de velas tradicionais a ría.

Dende o GALP Golfo Ártabro Sur, estase a traballar por salvagardar o patrimonio cultural mariñeiro, polo que a súa presencia neste encontro foi imprescindible. Dende a Carpa Balbina, en honor á última embarcación tradicional patexeira do Golfo Ártabro, o GALP amosou unha exposición dos proxectos subvencionados durante o programa FEMP, así como facilitou información aos promotores que estivesen interesados nos fondos FEMPA para o desenvolvemento local nos seus eixos de traballo: valorización dos produtos pesqueiros, diversificación, medio ambiente, patrimonio socio-cultural, gobernanza e cooperación.

Estas catro xornadas XVI Encontro de Embarcacións Tradicionais de Galicia tiveron un grande impacto no territorio, con ampla variedade de propostas, multitude de embarcacións a nivel nacional e grande diversidade de público que puido desfrutar das actividades propostas para estes días.