Xornada formativa sobre marketing e redes sociais no sector hosteleiro

O GALP Golfo Ártabro Sur e o GALP Golfo Ártabro Norte organizan este mércores, 12 de decembro, no IES Fragas do Eume de Pontedeume unha xornada de formación e  networking sobre como realizar accións de márketing e redes sociais no sector hostaleiro.

Este evento, que terá lugar de 16:30 a 19:30 horas, está dirixido a profesionais da hostalería e enmárcase dentro do programa ‘Morada Atlántica’ a través dunha das súas liñas de traballo ‘Cociña Atlántica’, para  a diversificación do sector pesqueiro a través da promoción das gastronomía, o turismo e o patrimonio.

O obxectivo desta experiencia é poñer en valor o bo aproveitamento dos produtos do territorio, coñecer propostas para chegar máis e mellor ao consumidor e achegarse ao mundo do márketing no apartado da restauración.

Para iso, diferentes profesionais do sector da comunicación e a hostalería falarán sobre como atraer e fidelizar clientes a través do márketing e como xestionar os comentarios positivos e negativos nas redes sociais. Ademais, como broche final, haberá un showcooking con produtos do territorio e deixarase un espazo de networking para establecer lazos entre diferentes axentes do sector.

Para asistir é necesario anotarse previamente, de forma totalmente gratuíta, a través do teléfono 981 285 483 ou no correo electrónico 


Comentarios

Entradas populares de este blog

Aberta a nova convocatoria de axudas 2024

Un estudo ambiental contabiliza en 2.226 a poboación de especies mariñas e terrestes do territorio

Éxito rotundo na convocatoria de axudas 2024