A exposición “A campaña do argus”, sobre a pesca do bacallau, desembarca no Aquarium Finisterrae

A mostra, multidisciplinar e de esencia marítima, inaugúrase o mércores, 31 de marzo, no Aquarium Finisterrae e poderá visitarse ata o próximo 26 de xuño.

A actividade enmárcase no proxecto Pasaporte REMA, iniciativa financiada polo Fondo Marítimo de Pesca (FEMP) na que participan os Grupos de Acción Local do Sector Pesqueiro (GALP) galegos.

A Rede de Espazos con contido Museístico Atlántico (REMA) inicia a singradura da mostra temporal "A campaña do Argus", unha exposición cedida polo Museo Marítimo de Ílhavo (Portugal) e que desembarca este mércores, 31 de marzo, no Aquarium Finisterrae. A inauguración é ás 13.15 horas.

O público poderá contemplar o traballo realizado polo reporteiro do National Geographic Magazine e oficial da Armada australiana, Alan Villiers, que acompañou aos pescadores portugueses na procura de bacallau nos caladoiros de Terranova, en Canadá, durante 1950. Villiers viviu máis de cinco meses como camarada dos pescadores portugueses. Desa viaxe poderá verse unha colección de fotografías sobre a súa experiencia a bordo do Argus.
A mostra inclúe tamén exemplares da primeira edición do libro "A Campanha do Argus", considerado un clásico da literatura marítima mundial e que retrata a campaña de pesca do bacallau. Por outra banda, na exposición proxectarase a película "The Bankers - The Voyage of the Schooner Argus".
Con esta iniciativa preténdese poñer en valor a cultura mariñeira como elemento de unión, promoción e intercambio cultural entre as diferentes zonas costeiras atlánticas. A exposición "A campaña do Argus" poderá visitarse na Coruña ata o próximo 26 de xuño.

Adaptados ao novo contexto sanitario
Pasaporte REMA, proxecto financiado polo Fondo Marítimo de Pesca (FEMP), ten como obxectivo desenvolver unha actividade turística creativa e adaptada a unha nova realidade. Para iso, o proxecto pon en marcha unha serie de actividades informativas, formativas e culturais que se apoian nas novas tecnoloxías, como nova canle de aprendizaxe, entretemento, formación e promoción da oferta cultural dos espazos que compoñen a Rede REMA.
No marco do proxecto desenvólvense novos contidos culturais, un deles é a guía da Rede Rema. As persoas que visiten os distintos espazos da Rede poderán ir acumulando selos Remiña e, unha vez que alcancen un número determinado de estampaxes, participarán no sorteo de cestas mariñeiras.
Cabe destacar tamén a exposición conxunta, "O océano que nos une" é un percorrido polos fondos culturais máis destacados da Rede; as mostras itinerantes con contido museístico localizados nos GALP galegos e os percorridos virtuais por 27 dos espazos que compoñen a Rede, localizados en Portugal, Galicia e Asturias.
O proxecto inclúe tamén a celebración de tres seminarios técnicos dirixidos a sacar o máximo potencial ao traballo conxunto entre espazos con contido museístico.

Comentarios

Entradas populares de este blog

O II Roteiro Son do Mar percorre en quince vídeos a tradición mariñeira do Golfo Ártabro Sur

“Había xente que estaba na lonxa dende a 1 da mañá con frío e choiva. Pasabamos a vida no peirao, porque como ninguén quería marchar sen peixe, cada vez madrugabamos máis.”

O GALP Golfo Ártabro Sur tramita axudas por valor de 750 mil euros para impulsar a economía azul no seu territorio en 2021