O equipo de Relevo 2020 visitou o IES Alfonso X O Sabio de Cambre para espertar novas vocacións laborais no sector do mar e da pesca

 A semana pasada, o equipo do programa Relevo 2020 achegouse ao territorio do GALP Golfo Ártabro Sur para continuar o seu labor divulgativo por toda Galicia e seguir espertando futuras vocacións laborais no sector do mar e da pesca.

Nesta ocasión, a cita foi no IES Alfonso X O Sabio de Cambre, onde se reuniron con  case medio centro de rapaces de 4º da ESO e ciclos formativos para explicarlles en que consiste este itinerario formativo e as vantaxes que pode ter para eles. En concreto, foron 30 alumnos e 14 alumnas.

A día de hoxe, no territorio do GALP Golfo Ártabro Sur xa hai anotadas cinco persoas para participar na 2ª edición de 2021.


Que é Relevo 2020?
Relevo2020 é unha novidosa iniciativa formativa promovida polos GALP de Galicia. Está dirixida a mozos desde 16 anos para promover o relevo xeracional no sector pesqueiro. En concreto, está pensada para as persoas que queran encamiñar o seu futuro profesional no sector do mar ou da pesca e, antes, vén necesario consolidar ou ampliar os seus coñecementos a través dunha aprendizaxe totalmente personalizada e gratuíta. O nivel de adaptación é máximo xa que o horario das sesións, a elixir de mañá ou de tarde, será acordado cos inscritos para favorecer a súa participación. 

O programa formativo busca potenciar a parte práctica e experiencial centrándose en sesións que fomenten un bo coñecemento do sector pesqueiro, en tecer redes asociativas cos profesionais do mar, no emprendemento activo, o no recoñecemento de experiencias innovadoras a través de encontros con outros profesionais. As "clases" comprenden desde seminarios formativos a titorías individualizadas, saídas de campo, encontros con outros con outros mozos con experiencia, visitas experienciais e, incluso, unha saída de estudo a nivel nacional.

O cadro de profesores está formado por profesionais do eido das Ciencias Experimentais e das Ciencias Sociais, con ampla experiencia na realización e coordinación de proxectos de divulgación científica centrada no medio mariño e o sector pesqueiro e en procesos de formación.

 Se estás interesado en participar, contacta co GALP Golfo Ártabro Sur (galpgolfoartabrosur@gmail.com881 896 417604 053 257) ou, directamente, co Proxecto Relevo 2020 no email info@relevo2020.org.

 

Acceso directo ao formulario de inscrición en Relevo 2020 > https://arenariacoordinacion.com/relevo2020



Comentarios

Entradas populares de este blog

O II Roteiro Son do Mar percorre en quince vídeos a tradición mariñeira do Golfo Ártabro Sur

“Había xente que estaba na lonxa dende a 1 da mañá con frío e choiva. Pasabamos a vida no peirao, porque como ninguén quería marchar sen peixe, cada vez madrugabamos máis.”

O GALP Golfo Ártabro Sur tramita axudas por valor de 750 mil euros para impulsar a economía azul no seu territorio en 2021