A xornada “Mulleres de auga salgada” destacou desde A Coruña a pluralidade do sector a nivel nacional
O GALP
Golfo Ártabro Sur presentou neste foro sectorial un documental no que recolle o
testemuño dunha vintena de profesionais do mar do territorio.
Un dos logros da xornada “Mulleres de auga salgada” organizada o luns 29 de novembro polo GALP Golfo Ártabro Sur foi, como destacaron desde a entidade, que as representantes de varias das principais entidades do sector do mar e da pesca de toda España se achegasen fisicamente á Coruña para compartir o seu coñecemento, experiencia e vivencias. Foron tres horas para poñer en común a esencia das mulleres do mar. O evento tivo lugar no salón de actos da Lonxa da Coruña en formato híbrido, podendo seguirse en streaming.
Ver
aquí a galería completa de fotos do acto >>
https://www.facebook.com/media/set/?set=a.1144342902637484&type=3
Durante o evento expuxéronse os problemas que afectan ao sector feminino do mar e que, en moitas ocasións, non son recoñecidos como deberan máis aló do ámbito inmediato. A través da voz de cada unha das 11 relatoras, sinalaron desde o GALP, “aprendemos das súas vivencias e abrimos a perspectiva a outra forma de resolver os problemas ou enfrontar retos”.
Recordaron os oficios que historicamente desempeñaron as mulleres e falouse dos perfís profesionais máis demandados a día de hoxe, da necesaria formación, da falta de relevo xeracional, das dificultades para a conciliación, do asociacionismo ou da visibilización, do recoñecemento de enfermidades, de novas inquietudes como a aplicación da I+D+i, da diversificación ou do aproveitamento de novas oportunidades,…
Pluralidade
A xornada foi inaugurada por
Susana Rodríguez, directora xeral de Desenvolvemento pesqueiro da Xunta de
Galicia, e por Alberto Castro, presidente do GALP Golfo Ártabro Sur.
A continuación, abriron o
primeiro bloque de intervencións Nieves Salgado, xefa de servizo da Red Española de Mujeres del
Sector del Mar
(Ministerio de Agricultura, Pesca e Alimentación), que centraron a súa charla
na igualdade baixo o título “Actuaciones en igualdad de la REMSP”. A
continuación, Ángeles Millé (secretaria) e Rocío Fernández (tesoureira), da Asociación Nacional de Mujeres de la Pesca, recordaron a importancia e o
valor do asociacionismo coa intervención titulada "Anmupesca, una
oportunidad para dar valor al papel de las mujeres de la pesca en España".
Inés Domínguez (vicepresidenta), da Asociación Andaluza de Mujeres del Sector Pesquero (ANDMUPES), contou como naceu a súa entidade e os logros que levan acadados en só tres anos baixo o poético título “El mar tiene nombre de mujer”: Pola súa banda, Sandra Amezaga, secretaria da Asociación Mulleres Salgadas, tamén recordou inicios da súa entidade e os problemas sectoriais que lles afectan no relatorio "Asociacionismo de las mujeres del mar en Galicia".
Novo
documental
Xa por último, e antes da mesa
redonda, Ángela Barrán, presidenta da recentemente creada Asociación Muller Mar
(AMUMAR), presentou o novo documental promovido GALP Golfo Ártabro Sur “Mulleres
de agua salgada”. Esta produción audiovisual de media hora fai un percorrido
pola Historia das mulleres do mar do territorio. A través dunha vintena de
entrevistas en primeira persoa, recolle a importancia da man de obra feminina,
as profesións ás que se dedicaban, a sabedoría mariñeira e os coñecementos
técnicos transmitidos de xeración en xeración, e sobre todo, a súa implicación
e paixón polo traballo no mar para servir o peixe e o marisco fresco nas nosas
mesas.
.jpg)
Comentarios
Publicar un comentario