Xa está aberta a primeira convocatoria de axudas FEMPA no territorio do GALP Golfo Ártabro Sur.
Unha vez máis, Galicia é a primeira comunidade autónoma
que ten xa seleccionados os grupos, aprobadas as estratexias e lanza as
aportacións para a presentación de proxectos ao amparo do Fondo Europeo Marítimo
da Pesca e Acuicultura para o período 2021-2027.
O GALP Golfo Ártabro Sur, está entre os oito GALP
elixidos para este período. Entre todos os GALP engloban a máis de 400
organizacións locais, cerca de un cento delas pertencentes ao sector pesqueiro
e que representan a máis de 13.000 profesionais do mar.
Deste modo, os potenciais beneficiarios destas axudas
(pequenas e medianas empresas e persoas autónomas, así como persoas xurídicas
sen ánimo de lucro como as confrarías de pescadores ou outras entidades do
sector) poden presentar proxectos ao amparo dos GALP.
Estas axudas permiten aumentar o valor, crear emprego,
valorar o fomento da participación das mulleres, atraer xente nova e
promocionar a innovación en tódalas fases da cadea de subministro dos produtos
de pesca e acuicultura. Ademais, entre os obxectivos das iniciativas tamén está
o fomento da economía azul nas zonas pesqueiras e acuícolas, o aproveitamento
do patrimonio medioambiental (incluídas as operacións de mitigación do cambio
climático), o fomento do benestar social e o patrimonio cultural ou o reforzo
do papel das comunidades pesqueiras no desenvolvemento local e a gobernanza dos
recursos e actividades marítimas locais.
Dende o GALP Golfo Ártabro Sur estase a traballar no
asesoramento dos potenciais beneficiarios, así como na difusión e posta en
marcha deste novo período FEMPA. Nos vindeiros días realizaranse xornadas de
asesoramento e información sobre a posibilidade de petición de axudas así como
os trámites precisos para a súa solicitude.
.jpg)
Comentarios
Publicar un comentario