Resolución definitiva das axudas da convocatoria 2021

Os promotores poden consultar o estado do seu proxecto a través do sistema Notifica

O pasado venres 27 de agosto fíxose pública a resolución definitiva da primeira convocatoria de axudas 2021 tramitada polo GALP Golfo Ártabro Sur. 

Os promotores implicados poden consultar o documento a través do seu sistema Notifica ou, en caso de dúbidas, contactar directamente coa oficina do GALP por teléfono, e-mail ou presencial na oficina situada na Casa do Mar de Sada: 

☎ 881 896 417
📧 galpgolfoartabrosur@gmail.com
📍 Avda. do Porto, 21, baixo. Sada

En abril pasado, a xunta directiva do GALP Golfo Ártabro Sur seleccionou provisionalmente os proxectos que considerou prioritarios para a execución da súa Estratexia de Desenvolvemento Local Participativo (DLP) e que despois enviou para aprobación definitiva por parte da Consellería do Mar da Xunta de Galicia.

Desde a Xunta Directiva do GALP consideraron un éxito os 28 proxectos recibidos este ano pese á inestable situación económica derivada da crise sanitaria do covid-19. Na súa opinión, este éxito de concorrencia pode explicarse polo feito de que gran parte das iniciativas subvencionadas están dirixidas á dinamización, innovación e mellora directa ou indirecta do sector pesqueiro do territorio.