Oportunidades relacionadas con el mar y el litoral en la Reserva de Biosfera
José Garrote, secretario do Galp, explicará mañá, xoves 5 de abril, as oportunidades relacionadas co mar e co litoral que se presentan na Reserva de Biosfera Mariñas Coruñesas e Terras do Mandeo. Será nunha xornada titulada ‘Reservas de Biosfera, Retos e Oportunidades máis alá da conservación’ que se celebrará en Betanzos e que servirá para analizar as liñas de traballo da Reserva.
O
acto celebrarase no Salón Azul do Edificio Liceo a partir das 19:30
horas e, a través de diferentes intervencións, expoñeranse as
oportunidades para a Reserva de Biosfera MCeTM máis aló da
conservación do territorio, apostando polo turismo ou a educación
ambiental e centrándose na investigación e a innovación.
A
presentación correrá a cargo do presidente da Reserva de Biosfera
MCeTM, José Antonio Santiso Miramontes, e do alcalde do Concello de
Betanzos, Ramón García Vázquez. Entre os relatores estarán, entre
outros, o director do CEIDA, Carlos Vales; o responsable do Centro de
Investigacións Agrarias de Mabegondo, Juan Castro Ínsua; ou o secretario
do Consello Científico do Comité Español do programa MaB da UNESCO,
Pablo Ramil.
A xornada clausurarase coa
presentación do programa de traballo da Reserva de Biosfera de Menorca,
que leva implementándose desde hai 25 anos. Encargarase diso o Conseller
de Medio Ambiente e Reserva de Biosfera de Menorca, Javier Ares García
‘ Japi’.
Comentarios
Publicar un comentario