Fomentando os recursos turísticos da comarca na xornada organizada polo GALP Golfo Ártabro Sur

-

Máis dunha decena de persoas participaron hoxe, xoves 15 de novembro, nunha xornada dedicada a salientar os recursos turísticos vencellados á Ruta dos Faros que se atopan nos concellos do territorio do GALP Golfo Ártabro Sur.

A través desta acción, coñecida como ‘FamTrip’, os participantes foron recollidos no Concello de Narón, na estación de tren de Ferrol, na de autobuses da Coruña e no Concello de Sada. A primeira parada tivo lugar no barrio mariñeiro de Fontán para viaxar desde alí ata o Castelo de Santa Cruz, onde se levou a cabo unha xornada de traballo.


En Santa Cruz explicouse con maior grao de detalle os contidos da Ruta dos Faros, levouse a cabo unha xornada de networking na que se empregou unha novidosa técnica que facilitará ás empresas emprender novas alternativas de colaboración e, para rematar, houbo unha degustación dun pincho de inspiración mariñeira.

Despois foi a quenda das visitas, nas que os participantes coñeceron a fondo o Castelo de Santa Cruz, o Aquarium Finisterrae e a Torre de Hércules. 

O obxectivo que se persegue con esta acción é fomentar o interese polos recursos turísticos da zona buscando a identificación por parte das empresas do territorio e as dos concellos limítrofes.

Comentarios

Publicar un comentario

Entradas populares de este blog

O GALP Golfo Ártabro Sur adapta a súa estratexia para responder ás necesidades do territorio

-
Imagen
Desde o GALP Golfo Ártabro Sur celebramos entre a semana pasada e esta xornadas coas catro mesas sectoriais, un espazo fundamental para identificar as necesidades do territorio a través do diálogo e a colaboración entre os distintos sectores. Estas reunións puxeron de manifesto que a Estratexia de Desenvolvemento Local Participativo (EDLP) actual presentaba limitacións, dificultando a subvención de numerosos proxectos, especialmente do sector pesqueiro. Ante esta situación, decidimos revisar e modificar a EDLP para adaptala mellor ás necesidades reais da comunidade e corrixir as carencias detectadas. Este proceso ten como obxectivo reforzar o apoio a proxectos que impulsen o desenvolvemento sostible da nosa costa. O traballo colaborativo realizado nas mesas sectoriais foi clave para avanzar cara a un documento máis efectivo e representativo, garantindo que os recursos cheguen a quen máis os necesita e fortalecendo o futuro do sector pesqueiro e de todo o Golfo Ártabro Sur.
Leer más

O proxecto que aposta polo peixe fresco, innovación e tradición desde o GALP Golfo Ártabro Sur

-
Imagen
O pasado mércores, 20 de novembro, o GALP Golfo Ártabro Sur participou na xornada “GALPs, unha ferramenta para o territorio”, organizada polo GALP Ría de Arousa no Auditorio do Concello de Vilagarcía de Arousa. Este evento serviu para destacar iniciativas innovadoras que están a transformar o sector pesqueiro en Galicia, poñendo en valor a venda de peixe fresco e os produtos locais. Na sección final, dedicada á presentación de exemplos de éxito, o xerente do grupo. Federico López, deu a coñecer o proxecto GALP8 004: Apertura, modernización e innovación dun novo posto de venda de peixe, unha iniciativa financiada polo GALP Golfo Ártabro Sur, que combina tradición e innovación para impulsar o consumo sostible de produtos do mar. Entre as melloras deste proxecto, destaca a instalación da primeira máquina expendedora de Galicia para peixe e marisco fresco envasado ao baleiro. Este sistema permite aos consumidores acceder de forma rápida e cómoda a produtos de alta calidade. Ademais, modern...
Leer más

O Tizón de Nadal, un rito ancestral que aporta boa sorte e protección

-
Imagen
O Tizón de Nadal é unha das tradicións máis antigas e fermosas que perduran en Galicia, especialmente nas aldeas e nas zonas máis rurais. Este rito remóntase aos tempos dos celtas, cando as comunidades realizaban celebracións en honra á deusa Nai Terra durante o solsticio de inverno. Naquela noite, as lareiras se enchían de vida cun grande madeiro, e a súa brasa debía manterse acesa durante toda a noite para garantir boa sorte, protección e prosperidade para o ano novo. Este costume estaba ligado á crenza de que, ao acender o madeiro no solsticio, destruíase o vello para dar paso ao novo. O Tizón simbolizaba a renovación, un cambio de ciclo que viña cargado de boas enerxías e desexos de prosperidade. O feito de manter o madeiro aceso durante toda a noite, até a chegada do Ano Novo, era un acto de fe na protección que a calor e a luz do fogar ofrecían á familia. O foco do rito era o fogar, o lugar onde as persoas se sentían máis seguras e onde se renovaban os lazos familiares. En Galici...
Leer más