Xornada para o aproveitamento cultural do patrimonio subacuático


 Mañá, xoves 29 de novembro, o Grupo de Acción Local do Sector Pesqueiro Golfo Ártabro Sur organiza a xornada formativa:
“Aproveitamento Cultural do Patrimonio Subacuático Galego e Costeiro Asociado”.
Está dirixida a empresas náuticas e turísticas da nosa contorna e celebrarase ás 17 horas nas instalacións do GALP, na Av. do Porto, 21-Baixo.
Os naufraxios ocurridos neste litoral son unha oportunidade de dinamización do territorio costeiro fronte ao que descansan.
No evento demostrarase a oportunidade de conectar o patrimonio co desenvolvemento turístico sostible e o emprendemento de particulares, asociacións e empresas da zona ó redor de recursos endóxenos e orixinais. Ademais, explicaranse as oportunidades de establecer líñas de colaboración con  outras entidades especializadas ó redor dun proxecto común. 
Por outra banda, presentarase a iniciativa de crear un Itinerario Cultural Europeo baseado nos naufraxios, de maneira que cada pecio sexa un eixo de relación cos países vinculados.

Comentarios

Entradas populares de este blog

Aberta a nova convocatoria de axudas 2024

Un estudo ambiental contabiliza en 2.226 a poboación de especies mariñas e terrestes do territorio

Éxito rotundo na convocatoria de axudas 2024