Representantes dos concellos de Cambre, Culleredo, Sada e Bergondo reuníronse para avaliar o traballo do GALP

·       Esta semana deron comezo os encontros cos diferentes sectores do territorio dentro da avaliación intermedia da asociación.

·       O luns 18 haberá un encontro aberto a todo o público, para que as persoas que non coñezan o GALP se informen e aporten as súas ideas.

Sada, 13 de novembro do 2019.- O Grupo de Acción Local do Sector Pesqueiro (GALP) Golfo Ártabro Sur comezou esta semana as súas reunións cos diferentes sectores do territorio para avaliar o traballo realizado ata o momento: os puntos fortes e os erros, para poder actuar en consecuencia.

Estes encontros realízanse no marco da avaliación intermedia do GALP, coa que se analizará o cumprimento da súa Estratexia de Desenvolvemento Local Participativo (EDLP), co obxectivo de reconducir o plan cara un modelo máis eficiente.

O primeiro encontro foi o da mesa do sector público, no que participaron o alcalde de Sada, Oscar Benito Portela; a concelleira de Participación Cidadá, Rebeca Mouriño; a concelleira de Promoción Económica, Turismo e Emprego, Laura Rodríguez; o concelleiro de Desenvolvemento Socioeconómico de Cambre, Diego Alcantarilla; a concelleira de Educación, Participación Cidadá e Medio Rural de Culleredo, Yéssica Méndez; e o concelleiro de Obras públicas, Réxime interior e Seguridade de Bergondo, José Ramón Lorenzo.

Na reunión os representantes consideraron que o GALP leva acabo un labor importante e de calado no territorio, conseguindo que se desenvolvan diversos proxectos e insertar no mundo laboral a persoas desempregadas Tamén valoraron a excelente atención do persoal do GALP. O único inconvinte que quixeron resaltar, é a ausencia de coñecemento por parte de gran parte da sociedade da existencia deste organismo, que non só axuda ao sector pesqueiro, se non a todos os ámbitos da cidadanía.

Próximos encontros

Mañá ás 19:30 h continuarán os encontros das mesas sectoriais na sede do GALP, esta vez coa reunión do sector social, que inclúe a todas entidades da zona.

O venres, día 15, ás 19:00 h será a quenda do sector do mar, onde se atopan todas as entidades e organizacións relacionadas co sector, como son ás confrarías de pescadores e pescadoras, asociacións de redeiros e redeiras, fundacións e organizacións de produtores e produtoras, así como distintas asociacións do Porto da Coruña.

Por último, o luns 18 reunirase o sector económico - onde están as asociacións empresariais do territorio- ás 10:30 h. Pola tarde haberá una reunión aberta ao público, á que poderá asistir calquera persoa que teña curiosidade por coñecer o labor do GALP e aportar as súas ideas.