A Comisión Europea aprobou o programa español do FEMPA 2021-2027

-

 O programa operativo para os sectores da pesca, a acuicultura, a transformación e a comercialización está dotado con 1.120,44M€.



A principios de mes recibimos unha nova moi importante para o sector mar-pesca. A Comisión Europea aprobou o programa español do FEMPA (Fondo Europeo, Marítimo da Pesca e da Acuicultura) 2021-2027. Da prioridade 3 dependen as EDLP, as Estratexias de Desenvolvemento Local Participativo que rexen a actividade dos GALP.

O programa está dotado con 6.108M€ en axudas para os sectores da pesca, a acuicultura, a transformación e a comercialización. Desta cantidade, máis de 1.120,44M€ corresponden a España, o primeiro país perceptor do FEMPA, cun 21,1% do orzamento do fondo en xestión compartida.

A sostibilidade será o eixo fundamental para calquera tipo actuación que se financie a través do FEMPA. De feito, como sinalou o Ministerio de Agricultura, Pesca y Alimentación, o programa operativo español desenvolveuse no marco das estratexias capitais para Europa coma o Pacto Verde Europeo, a Política Pesqueira Común, os obxectivos de Desenvolvemento Sostible da Axenda 2030 e a política marítima da Unión Europea

En xeral, as actuacións están encamiñadas a manter a viabilidade da actividade pesqueira, mediante a xestión sostible e a conservación dos ecosistemas mariños, o fomento dunha acuicultura sostible e competitiva, a modernización e dinamización da cadea de valor, o impulso da economía azul e o desenvolvemento das comunidades locais pesqueiras e acuícolas.

 

 

Podedes ler aquí a noticia na web do MAPA > https://www.mapa.gob.es/es/prensa/ultimas-noticias/la-comisi%C3%B3n-europea-aprueba-el-programa-espa%C3%B1ol-del-fempa-dotado-con-1.120-millones-de-euros-/tcm:30-636907

Comentarios

Publicar un comentario

Entradas populares de este blog

Aberta a nova convocatoria de axudas 2024

-
Imagen
  Dende o día 1 de febreiro xa se poden solicitar axudas ao mundo do mar mediante os fondos FEMPA.   Hoxe foron publicadas no DOGA a nova convocatoria de axudas FEMPA para esta anualidade 2024, que se poderá solicitar en sede electrónica mediante o procedemento PE155A. https://www.xunta.gal/dog/Publicados/2024/20240131/AnuncioG0427-291223-0001_es.html  Dende o GALP Golfo Ártabro Sur, estase a comunicar a tódolos posibles promotores cos que se mantivo reunión, que xa está aberto o prazo para a presentación das axudas, e lembrar que é moi importante poñerse en contacto co grupo antes da presentación dos proxectos. Isto permite comprobar que toda a documentación está correctamente cumprimentada, e así evitar a inadmisión de axudas por problemas de forma na documentación. Nas redes sociais e no blog do grupo, atoparase máis información das axudas e o procedemento de solicitude. Dende o GALP estase a ver esta convocatoria con grandes expectativas, pois espérase acadar o millón de
Leer más

Éxito rotundo na convocatoria de axudas 2024

-
Imagen
  O GALP Golfo Ártabro Sur recibe proxectos por máis de 1.500.000 euros. O GALP Golfo Ártabro Sur consegue un importante éxito nesta convocatoria de axudas 2024, acollendo proxectos por máis de 1.500.000 euros. Tras o fito acadado na primeira convocatoria das axudas FEMPA no ano 2023, con proxectos por máis de medio millon de euros, o GALP triplica este logro e acaba proxectos por máis de un millón e medio de euros no 2024. Este resultado na convocatoria é o colofón a uns meses de grande traballo dende a equipa técnica e xunta directiva para lograr acadar os resultados e compromisos da Estratexia de Desenvolvemento Local Participativo (EDLP), que o grupo elaborou para a xestión dos fondos FEMPA no territorio. Entidades de todo tipo do territorio son os promotores, que presentaron os seus proxectos ao longo do mes de febreiro. As temáticas dos proxectos son moi variables, pero vese unha importante presenza do sector pesqueiro e de actividades vencelladas a él. Cabe destacar ta
Leer más

Un estudo ambiental contabiliza en 2.226 a poboación de especies mariñas e terrestes do territorio

-
Imagen
A mostra sobre esta investigación pode verse na sede do GALP Golfo Ártabro Sur ata finais de xaneiro. Todas as entidades interesadas poden solicitarlla á entidade de xeito gratuíto. O Grupo Naturalista Hábitat presentou o estudo “Descubrindo os ecosistemas do Golfo Ártabro Sur” que realizou a instancias da entidade co obxectivo de facer unha radiografía ambiental do territorio a día de hoxe. O resumo do mesmo está “condensado” na exposición do mesmo nome e que ata finais de xaneiro se pode ver na sede do GALP (1ª planta da Casa do Mar de Sada). A mostra está a disposición de todas as entidades que a soliciten no email galpgolfoartabrosur@gmail.com ou nos teléfonos 881 896 417 – 604 053 257. Tras meses de investigación, os investigadores de Hábitat determinaron que nos 7 municipios de Bergondo, Sada, Oleiros, Cambre, Culleredo, A Coruña e Arteixo hai unha poboación total de 2.226 especies, das cales 826 son mariñas e 1.271 terrestres, e 129 poden estar presentes tanto na costa e coma
Leer más