GALP Golfo Ártabro Sur

    Publicación Listaxe definitiva das candidaturas a Técnico GALP Golfo Ártabro Sur aquí. Tal e como establecen as bases do proceso de selección do posto de Persoal Técnico, unha vez transcorrido o período de alegacións de dous (2) días hábiles (de luns a venres) a contar dende o día seguinte á data de publicación da presente comunicación, dáse por definitiva a presente lista, continuando co proceso de selección.

Dende a década dos 50, o emblemático reloxo da lonxa de Sada xogou un papel crucial na modernización das subastas de peixe. Con el, as subastas automatizáronse, permitindo que os compradores puidesen poxar comodamente dende os seus asentos. O reloxo marcaba o comezo da poxa, iniciando a ruleta en 900 pesetas e, mentres a cifra descendía, os compradores agardaban o momento oportuno para premer o botón das súas cadeiras. Nese intre, o reloxo detíñase e o peixe quedaba adxudicado ao comprador, cuxo número se amosaba na pantalla. Este sistema revolucionario marcou unha transformación no sector pesqueiro, axilizando e modernizando un proceso tradicional, e converteuse nun símbolo de innovación para a época. Coa inauguración da nova lonxa de Sada, o reloxo pasou a ser un elemento imprescindible nas transaccións, mantendo a eficiencia e a transparencia nas subastas. Hoxe en día a subasta consisten en que unha vez descargado o peixe no porto, é levado á lonxa onde se pesa e etiqueta cada caixa

No marco das axudas do GALP Golfo Ártabro Sur, levouse a cabo un proxecto innovador que demostrou como a sostibilidade pode transformar o sector da construción. A empresa Construcciones Ramos, grazas ao apoio recibido, diversificou a súa actividade coa creación dunha nova liña de negocio: a fabricación de mobiliario feito con formigón a partir de cáscaras de mexillón recicladas. O proxecto centrouse na adecuación dunha nave industrial como espazo expositivo e comercial, onde se amosou esta nova gama de produtos. O obxectivo principal era empregar residuos mariños valorizados, aproveitando as cáscaras de moluscos como árido reciclado para a produción de formigón. Desta forma, non só se contribuíu a reducir a pegada ambiental, senón que tamén se puxo en valor o potencial dos refugallos mariños para crear produtos sostibles e innovadores. Ademais, desenvolvéronse accións de comunicación e divulgación para destacar a importancia deste proceso produtivo. A exposición do mobiliario amosou no

O pasado 21 de setembro celebrouse en A Coruña a terceira edición do roteiro teatralizado Son do Mar , organizado polo Grupo de Acción Local do Sector Pesqueiro (GALP) Golfo Ártabro Sur en contando coa representación teatral da asociación Alentía Teatro. Esta iniciativa mergullou aos asistentes na vida mariñeira da Coruña de mediados do século pasado, recreando escenas que lembran os tempos nos que o mar foi fonte de vida para tantas familias, un legado que hoxe en día segue presente. Ao longo do percorrido, foron aparecendo ata once escenas protagonizadas por personaxes que compartiron historias de valentía, amor e sacrificio. Dende a muller que mercaba peixe no peirao ata o mariñeiro que regresaba de Terranova despois de meses no mar, cada personaxe representou un anaco da historia mariñeira da cidade. O espectador, inmerso nas historias, puido conectar coas vidas entrelazadas coa auga e a terra. O personaxe de Ramón Boutureira, un emigrante que retornou de Nova York despois de seten