GALP Golfo Ártabro Sur

O porto de Sada , situado no corazón do Golfo Ártabro , está a vivir unha transformación significativa grazas á instalación dunha nova cámara frigorífica na Lonxa de Sada , un proxecto clave para mellorar a conservación dos produtos pesqueiros e favorecer a súa valorización. Esta infraestrutura, que foi adquirida, instalada e posta en marcha co apoio do GALP Golfo Ártabro Sur, ten como obxectivo optimizar o almacenamento e a refrigeración das capturas recibidas na lonxa. A cámara frigorífica dispón de duas zonas diferenciadas , unha para conxelado e outra para a estabilización de fresco , o que permite mellorar a conservación dos produtos pesqueiros e reducir a necesidade de transportes. Isto resulta especialmente beneficioso para os armadores das zonas de Sada, Ares, Lorbé e Pontedeume , ao disminuir a pegada de carbono, facilitar a conservación das capturas e mellorar a súa calidade, reducindo a perda de produto. A nova instalación complementa os servizos xa dispoñibles na Lonxa de...

O Tizón de Nadal é unha das tradicións máis antigas e fermosas que perduran en Galicia, especialmente nas aldeas e nas zonas máis rurais. Este rito remóntase aos tempos dos celtas, cando as comunidades realizaban celebracións en honra á deusa Nai Terra durante o solsticio de inverno. Naquela noite, as lareiras se enchían de vida cun grande madeiro, e a súa brasa debía manterse acesa durante toda a noite para garantir boa sorte, protección e prosperidade para o ano novo. Este costume estaba ligado á crenza de que, ao acender o madeiro no solsticio, destruíase o vello para dar paso ao novo. O Tizón simbolizaba a renovación, un cambio de ciclo que viña cargado de boas enerxías e desexos de prosperidade. O feito de manter o madeiro aceso durante toda a noite, até a chegada do Ano Novo, era un acto de fe na protección que a calor e a luz do fogar ofrecían á familia. O foco do rito era o fogar, o lugar onde as persoas se sentían máis seguras e onde se renovaban os lazos familiares. En Galici...

O pasado 21 de decembro, o GALP Golfo Ártabro Sur acolleu unha Xornada Práctica sobre Actuacións ante Situacións de Emerxencia , organizada por Os Patexeiros. A actividade, celebrada nas instalacións do GALP, tivo como obxectivo mellorar a preparación e resposta ante emerxencias no ámbito marítimo, proporcionando formación práctica aos profesionais do sector e á comunidade en xeral. Durante a xornada, os asistentes puideron participar en actividades formativas impartidas por formadores titulados e profesionais do sector sanitario habilitados . Esta formación incluiu simulacións de actuacións ante diversas situacións de emerxencia no mar, mellorando as competencias en primeiros auxilios e manexo de risco. A AEGC (Asociación Española de Guardias Civiles) tamén estivo presente, proporcionando o seu apoio e experiencia na formación. O GALP Golfo Ártabro Sur , sempre comprometido coa seguridade no mar, demostrou o seu apoio a iniciativas de prevención e preparación ante emerxencias, rea...

O bacallau con coliflor é un prato que non só forma parte da tradición culinaria de Galicia, senón que tamén é un símbolo de adaptación, resilencia e herdanza cultural. Este prato, popular nas ceas de Nadal, remóntase a séculos atrás, cando as normas relixiosas da Igrexa católica prohibían o consumo de carne durante o tempo de Advento e Nadal. Nestes tempos de austeridade, as familias galegas buscaban alternativas para alimentarse sen quebrantar os preceptos da fe. Aínda que o bacallau non é un peixe autóctono de Galicia, a súa chegada ás nosas costas está estreitamente vinculada coas rutas pesqueiras do Atlántico Norte. Desde fai máis de cinco séculos, galegos e portugueses establecían comerciais con rexións coma Terranova, no Canadá, onde o bacallau se pescaba e secaba para garantir a súa conservación durante todo o ano, pronto se estableceu como a opción principal para as ceas da noite boa. E foi precisamente nesta época do ano cando se comezou a combinar coas verduras de tempada, e...

  O banco ofrece un catálogo de produtos e servizos adaptados ás necesidades do colectivo O convenio inclúe unha proposta de valor con alternativas de crédito e atención especializada a través da unidade ABANCA Mar ABANCA e o Grupo de Acción Local do Sector Pesqueiro (GALP) Golfo Ártabro Sur veñen de renovar un acordo de colaboración financeiro con diferentes alternativas de crédito, servizos adaptados ás súas necesidades e atención especializada. A través deste convenio, a entidade financeira e o grupo de acción local impulsan a consecución dos obxectivos da estratexia Europa 2020 de promover a inclusión social e a redución da pobreza, a creación de emprego e o fomento da innovación a nivel local, así como contribuir á cohesión do territorio. O acordo foi rubricado hoxe en Sada (A Coruña), pola directora de zona de ABANCA en Betanzos/Eume, Begoña Caamaño, e o presidente do GALP Golfo Ártabro Su...

O conselleiro do Mar, Alfonso Villares, salientou na xornada "As estratexias de desenvolvemento local participativo promotoras da Economía Azul" a importancia dos Grupos de Acción Local do Sector Pesqueiro (GALP) como elementos clave para o impulso dunha economía azul sostible. No evento, organizado pola Consellería do Mar, destacouse o papel destes grupos na promoción de proxectos innovadores que buscan equilibrar o capital humano e os recursos mariños das zonas costeiras, en liña cos obxectivos do Fondo Europeo Marítimo, de Pesca e Acuicultura (FEMPA). Os GALP como motores de transformación Durante a súa intervención, o conselleiro, acompañado pola directora xeral de Desenvolvemento Pesqueiro, subliñou a capacidade dos GALP para fomentar proxectos transformadores vinculados ao territorio. Estes proxectos permiten combinar sustentabilidade e crecemento económico, ademais de visibilizar novas oportunidades nos sectores marítimos e pesqueiros. O evento forma parte da Estratexi...

La Redera (Memoria histórica de Sada) O oficio de redeiras e redeiros marcou profundamente a historia mariñeira do Golfo Ártabro Sur, sendo unha actividade imprescindible para o desenvolvemento da pesca artesanal. A reparación e confección de redes, que noutro tempo era realizada polos propios mariñeiros, foi asumida maioritariamente polas mulleres, que desempeñaron este labor como parte fundamental da economía familiar. Tradicionalmente, as redeiras traballaban sen remuneración directa, aprendendo o oficio de xeración en xeración. Ao chegar os barcos a porto, dedicábanse a reparar as redes danadas por enganches, capturas pesadas ou mesmo pola acción de golfiños. Co paso do tempo, esta labor pasou de ser unha contribución doméstica a converterse nun traballo profesional recoñecido, que require formación específica e certificación. Ademais da reparación, as redeiras eran e son as encargadas de ensamblar os distintos segmentos de rede que chegan en pequenos anacos das fábricas, unindo ca...

O proxecto Enmalle Studio , impulsado grazas ás axudas do GALP Golfo Ártabro Sur, está a liderar unha iniciativa que transforma os residuos mariños e as redes en desuso en arte. A través desta proposta innovadora, móstrase como os restos do mar poden xerar pezas artísticas únicas, ao mesmo tempo que se dignifica o labor das redeiras. A través da creación de tapices e alfombras artísticas, Enmalle Studio conecta a artesanía local, a natureza e a gastronomía, dando un novo enfoque aos residuos mariños e fomentando unha reflexión sobre a súa xestión. O proxecto tamén inclúe cursos de cociña atlántica que potencian o consumo responsable, e unha residencia para artistas que fomenta a creatividade, o intercambio cultural e o traballo co patrimonio mariñeiro. Este espazo non só busca recuperar materiais en desuso, senón que tamén pon en valor a tradición e as prácticas sostibles das comunidades costeiras. Ademais, impulsa un turismo sostible e inclusivo, promovendo unha maior conciencia ambi...

O pasado mércores, 20 de novembro, o GALP Golfo Ártabro Sur participou na xornada “GALPs, unha ferramenta para o territorio”, organizada polo GALP Ría de Arousa no Auditorio do Concello de Vilagarcía de Arousa. Este evento serviu para destacar iniciativas innovadoras que están a transformar o sector pesqueiro en Galicia, poñendo en valor a venda de peixe fresco e os produtos locais. Na sección final, dedicada á presentación de exemplos de éxito, o xerente do grupo. Federico López, deu a coñecer o proxecto GALP8 004: Apertura, modernización e innovación dun novo posto de venda de peixe, unha iniciativa financiada polo GALP Golfo Ártabro Sur, que combina tradición e innovación para impulsar o consumo sostible de produtos do mar. Entre as melloras deste proxecto, destaca a instalación da primeira máquina expendedora de Galicia para peixe e marisco fresco envasado ao baleiro. Este sistema permite aos consumidores acceder de forma rápida e cómoda a produtos de alta calidade. Ademais, modern...

Desde o GALP Golfo Ártabro Sur celebramos entre a semana pasada e esta xornadas coas catro mesas sectoriais, un espazo fundamental para identificar as necesidades do territorio a través do diálogo e a colaboración entre os distintos sectores. Estas reunións puxeron de manifesto que a Estratexia de Desenvolvemento Local Participativo (EDLP) actual presentaba limitacións, dificultando a subvención de numerosos proxectos, especialmente do sector pesqueiro. Ante esta situación, decidimos revisar e modificar a EDLP para adaptala mellor ás necesidades reais da comunidade e corrixir as carencias detectadas. Este proceso ten como obxectivo reforzar o apoio a proxectos que impulsen o desenvolvemento sostible da nosa costa. O traballo colaborativo realizado nas mesas sectoriais foi clave para avanzar cara a un documento máis efectivo e representativo, garantindo que os recursos cheguen a quen máis os necesita e fortalecendo o futuro do sector pesqueiro e de todo o Golfo Ártabro Sur.

O GALP Golfo Ártabro Sur participou o 15 de novembro na xornada formativa "Como crear a miña propia empresa: Método DIY" , unha iniciativa organizada pola Cámara de Comercio de A Coruña en colaboración co Concello de Sada, a través da súa Axencia de Emprego e Desenvolvemento Local, e coa participación de Abanca. A sesión contou coa dirección do docente Ángel Noguerol, quen achegou claves e ferramentas para o emprendemento. Durante a xornada, Amparo Dopico, técnico do GALP, presentou as liñas de axuda que a entidade ofrece para apoiar proxectos empresariais que contribúan ao desenvolvemento sostible das comunidades costeiras. Estas axudas están dirixidas a iniciativas que reforcen a cadea de valor do sector pesqueiro, promoven a conservación dos recursos mariños, impulsen a economía local e valoricen o patrimonio cultural e pesqueiro da nosa costa. O GALP reafirma así o seu compromiso co fomento do emprendemento sostible, ofrecendo recursos e apoio técnico a todas aquelas pers...

O GALP Golfo Ártabro Sur participou o pasado martes, 11 de novembro, na xornada formativa organizada pola Rede Española de Grupos de Pesca (REGP) baixo o título "Contratación pública dirixida aos Grupos de Acción Local do sector pesqueiro" . A sesión, dirixida a membros dos Grupos de Acción Local de Pesquera (GALP), centrouse na transferencia de coñecemento e no fortalecemento das capacidades de xestión no ámbito da contratación pública. Ademais, contou cun espazo dedicado ao diálogo coa Autoridade de Xestión do Fondo Europeo Marítimo, de Pesca e de Acuicultura (FEMPA), para resolver dúbidas e afondar nas posibilidades que ofrecen estas axudas. A participación nesta xornada permite ao GALP Golfo Ártabro Sur mellorar os seus procedementos administrativos e optimizar o apoio a proxectos que fomenten o desenvolvemento sostible das comunidades costeiras, un dos piares fundamentais da súa acción no territorio.

  Publicacion:  04/11/2024 SELECCIÓN E CONTRATACIÓN DE PERSOAL LABORAL NA ASOCIACIÓN "GRUPO DE ACCIÓN LOCAL DO SECTOR PESQUEIRO GOLFO ÁRTABRO SUR"   PUBLICACIÓN DO RESULTADO DEFINITIVO ACADADO POLAS PERSOAS ADMITIDAS NA ENTREVISTA PERSOAL E DOS RESULTADOS FINAIS DO PROCESO DE SELECCIÓN DO POSTO DE PERSOAL TÉCNICO (TECGALP-GAS/2024)AQUI Seguindo co proceso de selección e contratación do posto indicado, a través da presente: comunícase a puntuación definitiva acadada polas persoas admitidas na realización da entrevista persoal coa finalidade de acreditar oralmente as súas competencias e habilidades individuais ao posto que se establece nas bases do dito proceso. E unha vez rematado todo o proceso de selección de persoal do encabezado, a continuación publícase a listaxe coa puntuación acadada polas persoas aspirantes que tiveron participado nas tres etapas do mesmo. Seguidamente, atendendo ao estipulado nas bases reguladoras do proceso de selección, a persoa can...