Os GALP e a Red española de Grupos de Pesca analizan as modificacións para adaptarse á nova estratexia do FEMPA

 ·         O FEMP, que se converterá no FEMPA (EMFAF en inglés), estará dotado con 6.108 millóns de euros.

·         A nova estratexia europea busca modernizar, sobre todo, a pesca costeira a pequena escala e promover a acuicultura.

 


A finais do pasado decembro, o Consello Europeo e a Eurocámara alcanzaban un acordo informal sobre como distribuír o orzamento de 6.108 millóns de euros do futuro Fondo Europeo de Pesca e Acuicultura Marítima (FEMPA), ata o de agora FEMP, no período 2021-2027 para manter e modernizar o sector. Búscase mellorar, por exemplo, a eficiencia enerxética dos barcos e reducindo as emisións de CO2, entre outros aspectos clave, para debuxar un futuro máis sostible e innovador para o sector.

 

O obxectivo do FEMPA é apoiar, sobre todo, a pesca costeira a pequena escala e os barcos de ata 24 metros, así como promover a acuicultura. O texto negociado tamén ten como fin simplificar os procesos para desbloquear fondos e mellorar os resultados.

 

O documento aínda debe pasar por un escrutinio legal e técnico antes de ser aprobado polo Comité de Representantes Permanentes do Consello (Coreper) e logo será presentado para a súa adopción final polo Consello e o Parlamento Europeo.

 

España

Durante as reunións mantidas entre os GALP de toda España –entidades que xestionan os fondos do FEMPA- coa Rede española de Grupos de Pesca para valorar a nova estratexia, chegouse a unha primeira conclusión sobre as modificacións que será preciso realizar para adaptarse ao novo marco, así como dos elementos que se deberán ter en conta para a redacción do programa operativo do Fondo.

 

Na próxima reunión fixada para este martes 26 de xaneiro revisarase o documento de conclusións por se é preciso a súa modificación ou ampliación.

 

Que é o FEMPA?

O Fondo Europeo de Pesca e Acuicultura Marítima ( FEMPA ou EMFAF, polas súas siglas en inglés) é un dos cinco Fondos Estruturais e de Investimento Europeos ( ESI) que buscan promover un crecemento e unha recuperación baseada no emprego en Europa.

 

Comentarios

Entradas populares de este blog

O II Roteiro Son do Mar percorre en quince vídeos a tradición mariñeira do Golfo Ártabro Sur

“Non podemos parar de ir ao mar, que comería a xente?”

“Había xente que estaba na lonxa dende a 1 da mañá con frío e choiva. Pasabamos a vida no peirao, porque como ninguén quería marchar sen peixe, cada vez madrugabamos máis.”