Nova convocatoria de axudas FEMP

Tras a publicación da orde no DOG, os promotores dispoñen ata o 28 de febreiro para presentar os seus proxectos

A Consellería do Mar da Xunta de Galicia publicou o pasado xoves 27 de xaneiro a convocatoria da última orde de axudas para os oito Grupos de Acción Local do Sector Pesqueiro (GALP) de Galicia co obxectivo de consumir o total do crédito concedido a cada un. No caso do GALP Golf Ártabro Sur, con aproximadamente un 98% do crédito consumido en anualidades anteriores, o remanente non chega aos 65.000€.

Os promotores interesados en presentar os seus proxectos teñen un mes de prazo ata o 28 de febreiro. En caso de dúbidas ou solicitude de información, poden achegarse á sede da entidade, situada na Casa do Mar do Sada (Avenida do Porto, 21A) previa cita. O equipo técnico tamén atende consultas por teléfono (881 89 64 17) ou por email (galpgolfoartabrosur@gmail.com).

 

Desde a base
En numerosas ocasións, a Consellería do Mar salientou o importante papel social que desempeñan os Grupos de Acción Local do sector Pesqueiro (GALP) de Galicia para apoiar proxectos que se artellan “de abaixo a arriba” e crear valor e riqueza no territorio onde se desenvolven.

Ligazón directa ao DOG do xoves, 27 de xaneiro de 2022, III. Outras disposicións, sección Consellería do Mar >

Orde do 27 de decembro de 2021 pola que se establecen as bases reguladoras para a concesión de axudas para proxectos ao abeiro das estratexias de desenvolvemento local participativo (EDLP), aprobadas aos grupos de acción local do sector pesqueiro para o desenvolvemento sustentable das zonas de pesca no marco do Fondo Europeo Marítimo e de Pesca 2014-2020, e se convocan as correspondentes ao ano 2022, tramitada como anticipado de gasto (código de procedemento PE155A).