Máis de 1.600.000 euros concedidos en axudas entre 2017 e 2019 por parte do GALP Golfo Ártabro Sur

Durante os últimos meses o Grupo de Acción Local do Sector Pesqueiro Golfo Ártabro Sur estivo a realizar a súa Avaliación Intermedia, cuxo obxectivo foi o de realizar unha análise de tódalas accións levadas a cabo ata metade do período de execución do programa de axudas actuais para, deste xeito, coñecer o alcance da Estratexia de Desenvolvemento Local Participativo (EDLP) que é o libro de ruta do grupo e así poder tomar as decisións ou modificacións oportunas para un maior aproveitamento das accións desenroladas.

A partires desta información procurouse comprender as problemáticas e logros acadados e , así, establecer as medidas necesarias que contribúan a potenciar o seu impacto positivo no desenvolvemento do territorio e continuar o curso de acción para o resto da execución da EDLP.

A presentación pública dos resultados realizouse no salón de actos de La Fábrica (Perillo) o venres 14 de febreiro, onde tamén se fixo unha presentación por parte da equipa técnica do grupo coa finalidade de informar sobre como presentar os proxectos e a documentación para a convocatoria de 2020, que cerrou con uns resultados fantásticos, así como responder a todas as dúbidas que xurdan aos promotores e demais asistentes.

O GALP Golfo Ártabro Sur, chegou a esa data con uns resultados do 74% do orzamento destinado a axudas, máis de 11 novos empregos vencellados ao sector, ata 32 postos de traballo consolidados, 17 novas empresas ao abeiro do programa de axudas, 3 proxectos adicados á redución da pegada de carbono ou ata 8 accións e actividades de animación e dinamización do GALP e máis de 100 persoas beneficiarias.