GALP Golfo Ártabro Sur

  O banco ofrece un catálogo de produtos e servizos adaptados ás necesidades do colectivo O convenio inclúe unha proposta de valor con alternativas de crédito e atención especializada a través da unidade ABANCA Mar ABANCA e o Grupo de Acción Local do Sector Pesqueiro (GALP) Golfo Ártabro Sur veñen de renovar un acordo de colaboración financeiro con diferentes alternativas de crédito, servizos adaptados ás súas necesidades e atención especializada. A través deste convenio, a entidade financeira e o grupo de acción local impulsan a consecución dos obxectivos da estratexia Europa 2020 de promover a inclusión social e a redución da pobreza, a creación de emprego e o fomento da innovación a nivel local, así como contribuir á cohesión do territorio. O acordo foi rubricado hoxe en Sada (A Coruña), pola directora de zona de ABANCA en Betanzos/Eume, Begoña Caamaño, e o presidente do GALP Golfo Ártabro Su...

O pasado mércores, 20 de novembro, o GALP Golfo Ártabro Sur participou na xornada “GALPs, unha ferramenta para o territorio”, organizada polo GALP Ría de Arousa no Auditorio do Concello de Vilagarcía de Arousa. Este evento serviu para destacar iniciativas innovadoras que están a transformar o sector pesqueiro en Galicia, poñendo en valor a venda de peixe fresco e os produtos locais. Na sección final, dedicada á presentación de exemplos de éxito, o xerente do grupo. Federico López, deu a coñecer o proxecto GALP8 004: Apertura, modernización e innovación dun novo posto de venda de peixe, unha iniciativa financiada polo GALP Golfo Ártabro Sur, que combina tradición e innovación para impulsar o consumo sostible de produtos do mar. Entre as melloras deste proxecto, destaca a instalación da primeira máquina expendedora de Galicia para peixe e marisco fresco envasado ao baleiro. Este sistema permite aos consumidores acceder de forma rápida e cómoda a produtos de alta calidade. Ademais, modern...

  A modernización da Pescadería Sonia no Mercado de Elviña é un exemplo de innovación que respecta a tradición, impulsada grazas ao apoio do GALP Golfo Ártabro Sur. Este proxecto, que conta agora cunha máquina expendedora de peixe e marisco fresco envasado ao baleiro, representa un cambio significativo para a comercialización de produtos pesqueiros en Galicia. A novidade deste sistema permite aos consumidores adquirir produtos locais de maneira rápida e cómoda, mentres se preserva a calidade e frescura das capturas. Para garantir un espazo moderno e funcional, tamén se fixeron melloras nas instalacións, como a instalación de chans antideslizantes e mostradores de aceiro con sistema de desxeo, pensados para mellorar a seguridade e a presentación dos produtos. Ademais, a pescadería incorporou maquinaria avanzada, incluíndo unha peladora mecanizada que facilita a preparación de peixe para adaptarse ás demandas actuais dos consumidores. A Pescadería Sonia apostou tamén pola transparenc...

  O proxecto de colaboración RELEVO 2 é unha iniciativa de carácter formativo promovida por seis Grupos de Acción Local do Sector Pesqueiro de Galicia Despois dunha primeira fase na que se realizou a presentación do proxecto nun acto público no Museo do Pobo Galego en Santiago e a captación dos centros educativos para a súa participación, o programa arranca este 2022 con 51 institutos inscritos, máis de 2170 escolares de secundaria participantes e novas actuacións que xa deron comezo a semana pasada. Neste anualidade, que se prolongará ata final de ano, o RELEVO 2 levará cabo as seguintes actuacións: -           formación en centros de ensino de cara a coñecer as oportunidades do sector pesqueiro, -     visitas a empresas nos diferentes territorios GALP para que o alumnado sexa coñecedor de primeira man dos recursos e oportunidades que ten na súa zona xeográfica, -     elaboración dun manual de boas prácticas d...

  A presentación da II edición deste roteiro teatralizado tivo lugar o pasado 16 de setembro cunha escenificación representativa do proxecto O pasado e presente do mundo do mar e da pesca no territorio do GALP Golfo Ártabro Sur puxéronse en valor no evento organizado para presentar publicamente a II edición do Roteiro Teatralizado Son do Mar, que en 15 capítulos percorre os preto de 80 quilómetros de costa entre Bergondo, Sada, Oleiros, Cambre, Culleredo, A Coruña e Arteixo. O evento contou coa presencia de Alberto García Castro, presidente do GALP Golfo Ártabro Sur, e Alejandra Pérez Márquez, alcaldesa de Bergondo; e por parte da Consellería do Mar, con Patricia Rodriguez, secretaria territorial de A Coruña. Afonso García Penas, director creativo deste proxecto audiovisual realizado pola agrupación Alentía Teatro e organizado e financiado polo GALP Golfo Ártabro Sur, indicou que Son do Mar pretende afondar nos retos e desafíos continuos que os galegos e galegas do mundo do mar...

  Cos dous proxectos presentados, o GALP Golfo Ártabro Sur esgota o crédito dispoñible para este periodo Despois de cerrar o prazo da segunda convocatoria de axudas FEMP 2014-2020 o pasado 17 de setembro, o GALP Golfo Ártabro Sur manifestou a súa satisfacción polos bos resultados obtidos xa que, cos dous proxectos presentados por dous emprendedores do territorio, conseguiu esgotar o crédito para este período. Para esta convocatoria, o GALP Golfo Ártabro Sur dispoñía dun crédito de pouco mais de 10 mil euros distribuído nos eixos de gobernanza e cooperación, para impulsar o desenvolvemento social e económico dunha zona costeira cun gran potencial. A través destas axudas europeas, a entidade ofrece respaldo económico a actividades innovadoras que valorizan o mar e o aproveitamento sostible dos seus recursos a través da coñecida como economía azul. Desde 2017, a entidade leva promovidas 52 iniciativas produtivas e non produtiva...

É unha iniciativa dos GALP Ría de Pontevedra, Golfo Ártabro Norte, A Mariña-Ortegal xunto co Golfo Ártabro Sur   Os GALP Ría de Pontevedra, Golfo Ártabro Norte, A Mariña-Ortegal xunto co GALP Golfo Ártabro Sur acaban de poñer en marcha o proxecto colaborativo ''Un mar en común: A afouteza da xente do mar'' co obxectivo de fortalecer o tecido asociativo dos GALP e dotar de ferramentas ás persoas e entidades para mellorar a súa relación e a súa comunicación interna e externa.   O plan de traballo permitirá facer un diagnóstico da situación na que se atopa o sector social e iniciar un conxunto de accións, como talleres e intercambios de boas prácticas, para impulsar a cooperación e a colaboración interterritorial.   O proxecto organízase en catro fases. Na primeira, entrevistaranse aos integrantes das asociacións dos GALP para coñecer as súas posturas. Na segunda terán lugar os cursos de formación seguindo as n...

O GALP Golfo Ártabro Sur acudiu ao evento profesional e lúdico cun estand propio para informar e divulgar o labor da entidade   A última fin de semana de setembro, o Galp Golfo Ártabro Sur acudiu cun estand propio á feria "Maridar: 3º Encontro Sabor das Mariñas" p romovida pola Federación de Asociaciones Empresariales de As Mariñas (FAE). Esta 3ª edición do evento profesional celebrouse no paseo de Santa Cristina, en Perillo (Oleiros), despois de que as dúas anteriores se celebrasen en Sada e Culleredo. Igual que nas dúas anteriores ocasións, o Maridar III foi financiado polo GALP Golfo Ártabro Sur para o seu desenvolvemento.   O intenso programa de eventos, gastronómicos, lúdicos e profesionais que incluía o Maridar III prolongouse desde a tarde do xoves 23 ao domingo 26 de setembro  para que veciños e visitantes puidesen gozar coa riqueza dos produtos do mar e da terra da comarca das Mariñas.   Ao acto in...

A capela de San Roque de Sada acollerá todo o mes de outubro a exposición “Somos mar II” de artistas galegos ou residentes en Galicia   Outro evento apoiado polo GALP Golfo Ártabro Sur é o 8º Festival Mar de Mares. Entre o 23 e o 26 de setembro, volveu converter a cidade da Coruña nun gran escenario para “celebrar” os mares ao tempo que reivindicar a súa importancia e a necesidade de coidalos para manter a nosa forma de vida. Igual que en edicións anteriores e desde 2019, o festival recibiu unha subvención do GALP Golfo Ártabro Sur para apoiar o seu desenvolvemento. Entre as actividades paralelas que se prolongarán en outubro, a capela de San Roque de Sada acollerá a exposición “Somos mar II” na que artistas galegos ou residentes en Galicia ofrecerán a súa visión do océano e a súa relación cos mares. En distintos formatos, vídeo, escultura, debuxo, instalación e fotografía, estas pezas, creadas especificamente para esta oitava edic...

  É un recoñecemento da Red Española de Grupos de Pesca (REGP) que seleccionou o proxecto como evento exemplar     A feira de divulgación científica Open Science , promovida polo Concello de Cambre e polo club de ciencia XentD100cia, tivo este ano como fío condutor os Obxectivos de Desenvolvemento Sostible (ODS). Durante toda a fin de semana do 18-19 de setembro, o GALP Golfo Ártabro Sur acudiu cun stand para informar aos asistentes do seu traballo, dos proxectos desenvolvidos, das oportunidades para novos promotores, así como dos proxectos que se están a levar a cabo. Entre eles, polo público asistente ao evento, destacou “RelevoII – Mocidade a Bordo” mediante o cal deuse a coñecer aos máis novos as saídas laborais vencelladas ao mar, e mostrarlles o mundo mariño como un abanico de posibilidades de futuro. Así mesmo, José Garrote, secretario do GALP Golfo Ártabro Sur, foi o encargado de entregar á organización da Open Science un diploma en nome da Red Española de G...

  Terá lugar no edificio A Senra, de Bergondo, o próximo xoves 16 ás 18:00 horas O próximo xoves 16 de setembro, ás 18:00 horas , terá lugar a presentación do II Roteiro Teatralizado Son do Mar no edificio A Senra, de Bergondo. No evento contarase coa asistencia do director Afonso García Penas, do equipo de produción e de realización de Alentía Teatro, de varios dos intérpretes principais e máis emblemáticos da serie, así como de membros do GALP Golfo Ártabro Sur, entidade promotora deste proxecto audiovisual de recuperación da memoria mariñeira. Debido á pandemia sanitaria, o GALP Golfo Ártabro Sur tivo que atrasar esta evento presencial ata que as condicións sanitarias se consideraron seguras para organizar un acto público. Neste sentido, a asistencia farase mediante convite directo.   Durante o encontro, o elenco asistente escenificará un fragmento desta historia para presentar os 15 capítulos que artellan esta viaxe experiencial polo pasado e o patrimonio mariñeiro dos set...

O proxecto desenvolverase nas anualidades 2021 e 2022   Os Galp Golfo Ártabro Sur, Ría de Vigo - A Guarda, Ría de Pontevedra, Ría de Arousa, Golfo Ártabro Norte e A Mariña Ortegal promoven o novo proxecto de colaboración Relevo2 a través do que queren trasladar ao alumnado dos centros de ensino de na nosa comunidade. O proxecto desenvolverase nas anualidades 2021 e 2022.   Entre os seus obxectivos atópanse: Poñer en valor o sector pesqueiro entre a comunidade escolar en idade de traballar e/ou de escoller estudos superiores. Valorizar o sector pesqueiro en termos económicos, dando a coñecer a demanda real existente para diferentes postos de traballo no mar e dando a coñecer as saídas profesionais existentes no mesmo. Ofrecer unha formación máis cuantitativa, que pretende achegar a realidade do sector pesqueiro en termos de oportunidades laborais, a fin de captar persoas que conformen ese relevo xeracional.   O programa divídese en tres bloques principais...

  O Fondo Europeo Marítimo e de Pesca e Acuicultura abre un grande abano de posibilidades para os GALP que xa están adaptando as súas estratexias de Desenvolvemento Local Participativo (DLP)   A comezos de xullo pasado, en concreto o martes 6, o pleno do Parlamento Europeo daba luz verde ao novo Fondo Europeo Marítimo e de Pesca e Acuicultura (FEMPA) para o período 2021-2027 cun orzamento de 6.108 millóns de euros, do que España será o principal receptor con 1.200M€.   Co FEMPA 2021-2027, que se aplicará retroactivamente desde xaneiro pasado, a UE quere dar un especial impulso ao relevo xeracional no sector do mar, á pesca de baixura e ás rexións ultraperiféricas (como as illas Canarias) no marco dun instrumento que ten como principais liñas de accións protexer e restaurar a biodiversidade mariña, a acuicultura e a pesca de baixura, a eficiencia enerxética, o relevo xeracional, o despezamento dos barcos antigos ou o incremento da seguridade a bordo.   No c...

  É un dos 32 casos de éxito incluídos no cuarto "Catálogo de Buenas Prácticas en Desarrollo Local Participativo del FEMP” para o bienio 2019-2020 A Red Española de Grupos de Pesca (REGP) acaba de editar o seu cuarto "Catálogo de Buenas Prácticas en DLP del FEMP - Convocatorias 2019-2020" a través do que dá difusión ás “numerosas, exitosas e orixinais” iniciativas dinamizadas polos Grupos de Acción Local do Sector Pesqueiro nos diferentes territorios da xeografía española. Queren, ademais, que estas ideas que se mostraron eficaces sirvan de inspiración a novos promotores e facilitar a súa replica e transferencia a outras contornas e territorios.   Neste contexto, a publicación inclúe como caso de éxito destacado o proxecto das “Empanadas do mar”, beneficiario das axudas do Golfo Ártabro Sur en 2019, a través do cal 2 emprendedoras quixeron innovar e dar un novo valor engadido a un alimento tan galego como é a empanada sumándolle peixe e marisco do Golfo Ártabro Sur. E...