GALP Golfo Ártabro Sur

Gallaecia Films , do IES Isaac Díaz Pardo do Concello de Sada , filmou o roteiro teatralizado "Son do Mar" . Un evento organizado polo Grupo de Acción Local do Sector Pesqueiro (GALP) Golfo Ártabro Sur coa colaboración de Alentía Teatro e a Confraría de Pescadores de Sada . Nel, máis de 70 actores e actrices recrearon a historia mariñeira do municipio a través dunha ruta que contou con 12 escenas ambientadas nos anos 40 e 50. Arredor de 300 persoas participaron neste roteiro. Esta iniciativa tiña como obxectivo principal impulsar, dignificar e proxectar a cultura mariñeira . Desde o GALP agradecemos esta montaxe audiovisual e a participación de todas as persoas que nos axudastes a facer posible este proxecto. Pódedes visualizala no seguinte enlace:  VIDEO

·         Os asistentes a “Un mar de ilusións” participaron nunha poxa de peixe e coñeceron todos os detalles sobre o traballo que se desenvolve na lonxa de Sada. ·         O evento estivo organizado polo GALP Golfo Ártabro Sur e contou coa colaboración da Confraría de Pescadores de Sada, ACERGA, Concello de Sada e a tripulación do Cerqueiro OLNADI. ·          Participaron nas actividades ASPACE, Aspronaga, Aspanaes, Fundación Adcor e o Centro Ocupacional Pascual Veiga. Sada, 31 de outubro 2019.- Unha obra teatral e dous obradoiros achegaron o mundo mariñeiro a arredor de 60 persoas con diversidade funcional en “Un mar de ilusións” . O evento estivo organizado polo Grupo de Acción Local do Sector Pesqueiro (GALP) Golfo Ártabro Sur , e contou coa colaboración da Confraría de Pescadores de Sada, Asociación de Armadores de Cerco de Galicia (ACERGA), Concello de Sad...

·        A xornada “Un mar de oportunidades laborais” deu a coñecer os avances que se están a realizar para impulsar a empregabilidade destas persoas. ·        O evento foi organizado polo GALP Golfo Ártabro Sur, que tamén presentou as accións que se levan a cabo no seu territorio. Sada, 30 de outubro do 2019.-  O Edificio de Servizos Múltiples de Culleredo acolleu onte a xornada “Un mar de oportunidades laborais”. Un evento adicado á empregabilidade das persoas con diversidade funcional. Nas conferencias presentáronse as vías e programas para a inserción laboral destas persoas no territorio do Grupo de Acción Local do Sector Pesqueiro (GALP) Golfo Ártabro Sur. Á súa vez, déronse a coñecer os proxectos que se están a realizar desde diferentes GALP de Galicia -en colaboración con entidades do seu territorio- en materia de inserción no mundo do mar. A xornada, organizada polo GALP Golfo Ártabro Sur coa colab...

·         O primeiro roteiro teatralizado celebrado no porto e nos núcleos mariñeiros de Sada, “Son do mar”, congregou arredor de 200 persoas. ·         O evento estivo organizado polo GALP Golfo Ártabro Sur. Sada, 28 de outubro 2019.- Máis de 70 actores e actrices converteron as rúas do concello de Sada nun escenario. O roteiro teatralizado “Son do mar” chamou a atención de arredor de 300 persoas que se achegaron á primeira ruta de teatro no porto e nos núcleos mariñeiros do municipio. O evento, que tivo lugar onte, domingo 27 de outubro, foi organizado polo Grupo de Acción Local do Sector Pesqueiro (GALP) Golfo Ártabro Sur e contou coa participación de Alentía Teatro e a Confraría de Pescadores de Sada . O roteiro permitiu dar a coñecer a historia mariñeira de Sada. A ruta contou con máis de 70 intérpretes procedentes de Sada e de toda Galicia, e un total de 12 escenas teatrais centradas nos anos 40...

·           Representantes do GALP Golfo Ártabro Sur están a realizar unha visita-estudo do territorio para coñecer a realidade da zona, os proxectos que se están a levar a cabo no ámbito do mar e establecer novas sinerxías. Sada, 23 de outubro.-  Coñecer a realidade do sector pesqueiro e acuícola do territorio, os proxectos que se desenvolven na zona, así como establecer sinerxías, son os motivos polos que o  Grupo de Acción Local do Sector Pesqueiro (GALP) Golfo Ártabro Sur  se atopa de viaxe-estudo na illa da Palma. O GALP visitou e visitará diversas entidades ao longo da súa viaxe. Entre os encontros atópase a reunión do  presidente , Alberto Castro García, o  secretario , José Garrote Martín, e o  xerente  do GALP, Federico López Viñas, co presidente do  Cabildo Insular de La Palma , Mariano Hernández.   Na xuntanza puideron falar dos proxectos e iniciati...

·          O evento forma parte dun dos proxectos do GALP Golfo Ártabro Sur e contou cun financiamento de 59.500 euros. ·          Produtores do mar e da terra déronse a coñecer nun evento que contou con obradoiros de cociña, conferencias e degustacións. O Espazo Multiusos do paseo marítimo do Burgo, en Culleredo, acolleu o primeiro encontro de produtores do mar e da terra “MARIDAR. Sabor das Mariñas” . Esta iniciativa deu a coñecer as micro, pequenas e medianas empresas que producen, transforman ou ofrecen produtos locais . Deste xeito, a acción tiña como obxectivos principais o desenvolvemento económico local da comarca das Mariñas e a consolidación dos propios produtores, que estableceron entre si novas sinerxías. MARIDAR ofreceu unha programación que incluíu charlas , obradoiros de cociña , degustacións e obradoiros infantís . O GALP Golfo Ártabro Sur contou cun stand propio no event...

1º Encontro de Produtores de Mar e Terra das Mariñas Maridar é o Iº Encontro de productores do mar e da terra que se leva a cabo na comarca de As Mariñas da man da Federación de Asociacións Empresariais de As Mariñas (FAE). Ao longo de tres días: 18, 19 e 20 de outubro de 2019, celebraránse, no marco da exaltación dos produtos propios da Comarca das Mariñas, diversas actividades e encontros para desfrutar da diversidade de sabores que ofrecen os produtores e produtos da Comarca. Teremos presentación de produtos locais, presenza de produtores da zona, encontros entre produtores, obradoiros de cociña, conferencias, actividades para nenos e nenas, demostracións gastronómicas, premios ós emprendedores de As Mariñas,… todo iso, coa vocación de combinar o mar e a terra, os produtos do mar e os da terra. 18,19 e 20 de Outubro no Espazo Multiusos do Paseo Marítimo do Burgo no Concello de Culleredo

·         Representantes de Alentía Teatro e do GALP presentaron o roteiro teatral que narrará, a través da interpretación de máis de 70 actores e actrices, a historia dos antepasados de Sada e o seu labor no mundo do mar. O evento terá lugar o domingo 27 de outubro. ·         Esta mañá tamén se presentou o inicio da avaliación intermedia, procedemento a través do que o GALP coñecerá os erros e acertos da súa estratexia no territorio, perfeccionando a súa folla de ruta. Sada, 17 de outubro. - O Grupo de Acción Local do Sector   Pesqueiro (GALP) Golfo Ártabro Sur presentou onte pola mañá na súa sede o roteiro teatral “Son   do mar” -que terá lugar na mañá do domingo 27 de outubro no concello de Sada- e o inicio da súa avaliación intermedia . Esta última constitúe un período vital para o GALP, que coñecerá os erros e acertos da súa estratexia no seu ámbito territorial, a partir dos que elabor...

O Golfo Ártabro Sur amosa o seu compromiso coa inserción de persoas con diversidade funcional no mundo laboral. Dentro das iniciativas que leva a cabo neste ámbito, a asociación organiza o evento “Un mar de oportunidades laborais” . O encontro terá lugar o 29 de outubro ás 16:30 horas no Edificio de Servizos Múltiples de Culleredo . O evento busca dar a coñecer os avances que se están obtendo na inserción laboral das persoas con diversidade funcional, amosando os diferentes proxectos financiados polos GALP galegos en relación ás boas prácticas na Diversidade Funcional. Con isto búscase crear novos proxectos e sinerxías no territorio. Asociacións do territorio presentarán todos os programas, metas e logros para alcanzar a desexada empregabilidade. Tamén participarán no evento persoas con diversidade funcional que exporán ao público a súa experiencia persoal á hora de atopar un traballo. As charlas rematarán cunha mesa redonda na que se poderán aportar ideas e crear novo...

O Grupo de Acción Local do Sector Pesqueiro (GALP) Golfo Ártabro Sur achega ás persoas con diversidade funcional ao mundo mariñeiro a través de “Un mar de ilusións” . Esta actividade, que se desenvolverá o 28 de outubro ás 10:30 horas na lonxa de Sada , pretende que os participantes coñezan máis sobre os pesqueiros e sexan partícipes dunha poxa de peixe. O evento contará cunha representación teatral a cargo da asociación Melandrainas e constará de dous talleres . O primeiro terá relación co medio ambiente, e nel falarase de residuos mariños, como previlos e reducilos e o labor tan importante que desempeñan os pescadores para conseguilo. No segundo taller realizarase un mural no que se representarán os fondos mariños. A actividade organizada polo Golfo Ártabro Sur contará coa colaboración da Confraría de Pescadores de Sada, a Asociación de Armadores de Cerco de Galicia (ACERGA), do Concello de Sada e do patrón do cerqueiro OLNADI, que protagonizará a descarga ficticia ...

·          O Golfo Ártabro Sur organiza esta ruta que pretende reflectir o pasado e o presente das persoas maiores e do seu labor no mar. O Grupo de Acción Local do Sector Pesqueiro (GALP) Golfo Ártabro Sur organiza o primeiro roteiro teatral que se celebrará no porto e nos núcleos mariñeiros do concello de Sada. “Son do mar” reflectirá o pasado e o presente das persoas maiores e do seu labor no mundo do mar. O evento terá lugar o domingo 27 de outubro ás 11:00 horas, sendo a Praza de San Roque o punto de encontro. O evento constará de 10 escenas teatrais centradas nos anos 40 e 50. A actividade estará protagonizada por homes e mulleres do mar, alumnado dos centros educativos de Sada, asociacións culturais do Concello e todas aquelas persoas que se animen a participar. Un grupo que abarca idades que van desde os 5 anos ata os 90. Esta acción pretende impulsar, dignificar e proxectar a cultura mariñeira , a través dunha ruta pola...

·          O evento contou coa colaboración do Golfo Ártabro Sur.     O Grupo de Acción Local do Sector Pesqueiro (GALP) Golfo Ártabro Sur non podía perderse o IV Encontro Internacional do Lixo Mariño . Estas xornadas centráronse nas crebas como arte e, polo tanto, como método para concienciar sobre a realidade da contaminación mariña. Federico López Viñas , xerente do GALP, acudiu ao evento para dar a coñecer como funciona a asociación, cal e a súa labor e que proxectos está a realizar. As xornadas combinaron coloquios, voluntariados de limpeza de praias e obradoiros artísticos . O evento foi organizado polo CEIDA , Mar de Fábula e RetoqueRetro , coa colaboración do Golfo Ártabro Sur .

A Xunta Directiva do GALP Golfo Ártabro Sur na reunión celebrada hoxe día 30 de setembro de 2019, acordou aprobar a proposta de resolución definitiva dos proxectos presentados para a 2ª convocatoria da anualidade 2019. Esta aprobación definitiva, non crea ningún dereito a favor dos solicitantes propostos. Nas ligazón que se encontran a continuación, poderanse visualizar a documentación aprobada; esta proposta tamén está publicada no taboleiro de anuncios da oficina de dito GALP. PROPOSTA DEFINITIVA AVALIACIÓN DE PROXECTOS

Os océanos e os mares do noso planeta constitúen unha fonte de enerxía limpa e renovable. Consciente disto, a Unión Europea (UE) pretende que o emprego deste tipo de enerxía axude a chegar a un dos seus obxectivos: que o 32% do consumo da UE para o ano 2030 sexa a partir de fontes que respecten o medio ambiente. A UE, líder en tecnoloxías da enerxía oceánica, continúa dando pasos para aproveitar o potencial enerxético que ofrece o mar. Sen embargo, tamén é consciente da necesidade de establecer un plan para que ao empregar a enerxía que a natureza ofrece, non se cause impacto na vida mariña. O monitoreo e a avaliación do impacto que se produce no mar darán lugar a unha mellor comprensión e a unha evolución adecuada no sector da enerxía neste ámbito. Por todo isto, a UE, co apoio do Fondo Europeo Marítimo de Pesca (FEMP), fai un chamamento nesta área que ten como obxectivo obter máis información medioambiental que dea a coñecer mellor o impacto dos dispositivos de ener...

·          Esta exposición itinerante forma parte dun proxecto dos oito GALP de Galicia vencellado á REMA. ·          Permanecerá no municipio ata o 6 de outubro.   A exposición itinerante "O océano que nos une" chega ao concello de Mugardos . Esta mostra forma parte dun proxecto dos oito GALP de Galicia vencellado á Rede de Espazos Museísticos Atlánticos (REMA). Podedes visitar a exhibición no Centro de Interpretación de Caldoval ata o vindeiro 6 de outubro. O horario de visitas ata o 30 de setembro será de martes a domingo de 10:30 h a 14:00 h e de 16:30 ha 20:00 h. A partir do 1 de outubro, a mostra poderá visitarse no mesmo horario o venres, sábado e domingo.