Descrubre os recursos naturais e patrimoniais das reservas da biosfera galegas no curso de "EMPREGO VERDE"
O Centro de Extensión
Universitaria e Divulgación Ambiental de Galicia (CEIDA), co apoio da
Fundación Biodiversidad, organiza o curso “Emprego Verde nas Reservas de
Biosfera: Recursos do Territorio e Ferramentas para a súa Posta en Valor”.
Este curso desenvolverse desde o 2 de setembro ata o 29 de novembro. A parte
presencial será no Castillo de Santa Cruz, en Oleiros.
A formación está dirixida a
persoas desempregadas inscritas ao servizo de demandantes de emprego de
Galicia, e ten como obxectivos dar a coñecer os recursos naturais e
patrimoniais nas distintas reservas de biosfera galegas, capacitar para a posta
en valor de recursos naturais e patrimoniais baixo criterios de sustentabilidade
e dar a coñecer o potencial das diferentes reservas para a produción agroalimentaria,
sostible e de proximidade, así como a creación de emprego verde.
O curso divídese en tres
módulos. O primeiro é una formación online sobre interpretación do patrimonio
natural e cultural. O segundo, que constitúe una mestura entre formación online
e presencial, tratará sobre educación, documentación e información ambiental. Pechará
o curso o módulo presencial sobre os recursos do territorio.
O obradoiro é gratuíto, aínda
que para asistir a el haberá que inscribirse previamente, xa que as prazas son
limitadas. Na seguinte ligazón https://bit.ly/2YwWyQl
poderedes acceder ao formulario de inscrición
e toda a información que precisades sobre a programación.
Comentarios
Publicar un comentario