FIN DE SEMANA DEPORTIVA NA PRAIA DE SANTA CRISTINA
·
O GALP Golfo
Ártabro Sur participa na organización de dúas regatas a través do financiamento
do proxecto Tradición Ártabra
Achégase unha fin de semana de deporte acuático na praia de Santa
Cristina, sita no concello de Oleiros. Alí terá lugar a VIII Bandeira Salgado
Congelados, unha regata organizada polo Club de Regatas Salgado-Perillo. A
actividade celebrarase o sábado, 13 de xullo, ás 18:15 horas. Esa mesma tarde,
tamén terá lugar a IV Bandeira Concello Oleiros Feminina, ás 17:30 horas.
O Grupo de Acción Local do Sector Pesqueiro Golfo Ártabro Sur subvencionará
ambas actividades grazas ao financiamento do proxecto Tradición Ártabra, unha
iniciativa que busca salientar o remo en traiñeira, así como concienciar sobre
os valores naturais e patrimoniais da zona do Golfo Ártabro Sur. Deste xeito tamén
se pretende impulsar a economía e a cooperación no territorio.
Dentro deste proxecto realízanse diversas actividades en campamentos e
centros educativos, que teñen como obxectivo dar a coñecer os produtos e os
valores ambientais do territorio, a cultura mariñeira e as boas prácticas para
a súa preservación. Se queres saber máis sobre Tradición Ártabra pincha na
seguinte ligazón https://tradicionartabra.es/.
Comentarios
Publicar un comentario