O Open Science candidato ao recoñecemento de "boas prácticas” da REGP

-
Imaxe da Open Science o ano pasado
  • O proxecto cofinanciado polo GALP Golfo Ártabro Sur impulsou e puxo en valor o mundo do mar no ámbito científico.  


O Open Science Cambre, iniciativa ao abeiro do financiamento do Grupo de Acción Local do Sector Pesqueiro (GALP) Golfo Ártabro Sur, é candidato ao recoñecemento de “boas prácticas” outorgado pola Rede Española de Grupos de Pesca (REGP). 

O club de ciencia do instituto local IES David Buján e o Concello de Cambre, co apoio do GALP, foron os organizadores desta feira científica celebrada no mes de setembro do ano pasado. Un evento no que alumnado de diferentes centros e clubs de ciencia puideron amosar os seus proxectos en stands, así como desfrutar das diversas actividades que tiveron lugar ao longo no encontro científico.   

Unir innovación con tradición, promocionar a ciencia entre a cidadanía e achegala á mocidade dunha forma atractiva son algúns dos obxectivos que se acadaron coa realización deste proxecto. O Open Science contribuíu a investigación nun dos principais motores da economía de Galicia: o marítimo. O evento contou cun apartado dirixido a este ámbito con actividades, talleres, espectáculos e proxectos de investigación. 

A contorna onde foi celebrada a feira conta cunha elevada implicación co sector pesqueiro. Tanto é así, que un dos premios se orientou ao mar. Tamén se animou aos participantes a enfocar os seus experimentos cara a pesca e outras actividades.  

O futuro dun territorio próspero depende en grande medida de impulsar accións de difusión científica entre a rapazada. A implicación da sociedade neste evento foi total, posto que foron as propias familias do concello as que acolleron aos mozos científicos que veñen doutros lugares de España. A pluralidade e diversidade foron un valor engadido ao evento, chegando a participar nesta ocasión máis de 300 poñentes de 5 países diferentes. 

Comentarios

Publicar un comentario

Entradas populares de este blog

O Tizón de Nadal, un rito ancestral que aporta boa sorte e protección

-
Imagen
O Tizón de Nadal é unha das tradicións máis antigas e fermosas que perduran en Galicia, especialmente nas aldeas e nas zonas máis rurais. Este rito remóntase aos tempos dos celtas, cando as comunidades realizaban celebracións en honra á deusa Nai Terra durante o solsticio de inverno. Naquela noite, as lareiras se enchían de vida cun grande madeiro, e a súa brasa debía manterse acesa durante toda a noite para garantir boa sorte, protección e prosperidade para o ano novo. Este costume estaba ligado á crenza de que, ao acender o madeiro no solsticio, destruíase o vello para dar paso ao novo. O Tizón simbolizaba a renovación, un cambio de ciclo que viña cargado de boas enerxías e desexos de prosperidade. O feito de manter o madeiro aceso durante toda a noite, até a chegada do Ano Novo, era un acto de fe na protección que a calor e a luz do fogar ofrecían á familia. O foco do rito era o fogar, o lugar onde as persoas se sentían máis seguras e onde se renovaban os lazos familiares. En Galici...
Leer más

Instalación dunha cámara frigorífica na Lonxa de Sada, un proxecto innovador para a valorización dos produtos pesqueiros

-
Imagen
O porto de Sada , situado no corazón do Golfo Ártabro , está a vivir unha transformación significativa grazas á instalación dunha nova cámara frigorífica na Lonxa de Sada , un proxecto clave para mellorar a conservación dos produtos pesqueiros e favorecer a súa valorización. Esta infraestrutura, que foi adquirida, instalada e posta en marcha co apoio do GALP Golfo Ártabro Sur, ten como obxectivo optimizar o almacenamento e a refrigeración das capturas recibidas na lonxa. A cámara frigorífica dispón de duas zonas diferenciadas , unha para conxelado e outra para a estabilización de fresco , o que permite mellorar a conservación dos produtos pesqueiros e reducir a necesidade de transportes. Isto resulta especialmente beneficioso para os armadores das zonas de Sada, Ares, Lorbé e Pontedeume , ao disminuir a pegada de carbono, facilitar a conservación das capturas e mellorar a súa calidade, reducindo a perda de produto. A nova instalación complementa os servizos xa dispoñibles na Lonxa de...
Leer más

As estratexias de desenvolvemento local participativo e o seu papel na economía azul

-
Imagen
O conselleiro do Mar, Alfonso Villares, salientou na xornada "As estratexias de desenvolvemento local participativo promotoras da Economía Azul" a importancia dos Grupos de Acción Local do Sector Pesqueiro (GALP) como elementos clave para o impulso dunha economía azul sostible. No evento, organizado pola Consellería do Mar, destacouse o papel destes grupos na promoción de proxectos innovadores que buscan equilibrar o capital humano e os recursos mariños das zonas costeiras, en liña cos obxectivos do Fondo Europeo Marítimo, de Pesca e Acuicultura (FEMPA). Os GALP como motores de transformación Durante a súa intervención, o conselleiro, acompañado pola directora xeral de Desenvolvemento Pesqueiro, subliñou a capacidade dos GALP para fomentar proxectos transformadores vinculados ao territorio. Estes proxectos permiten combinar sustentabilidade e crecemento económico, ademais de visibilizar novas oportunidades nos sectores marítimos e pesqueiros. O evento forma parte da Estratexi...
Leer más