A celebración da Virxe do Carme no Golfo Ártabro Sur: unha tradición de devoción e protección

Procesión Virxe do Carme. Fonte: Memoria de Sada

Cada 16 de xullo, as rías do Golfo Ártabro Sur vístense de gala para celebrar a procesión marítima en honor á Virxe do Carme. Esta tradición une as localidades de Sada, Mera, Lorbé e A Coruña, facendo que os mares se enchan de emoción e devoción. Na actualidade Celebrase principalmente en Sada e en A Coruña.

En Sada, a procesión comezaba tradicionalmente o 18 de agosto, como parte das festas patronais. Con todo, desde os anos 60, a festividade celebrouse o propio 16 de xullo, sempre que coincidise en fin de semana ou no fin de semana máis próximo. A misa solemne celébrase no porto, presidida pola imaxe da Virxe do Carme. Tras a misa e a “Salve marinera”, a imaxe embarca no barco designado para a procesión marítima. Os barcos engalanados seguen a Virxe, tocando as bocinas e formando un espectacular desfile.

En Mera e Lorbé, tamén se celebraba esta festa con gran fervor. Os barcos engalanados fan parte fundamental da procesión, que se dirixe á entrada da bahía. Alí, o sacerdote bendice as augas, rezando polos mariñeiros falecidos e pedindo prosperidade para os que traballan no mar. Tras a bendición, faise unha ofrenda floral tirando unha coroa de laurel e ramos de flores á auga.

En A Coruña, a festa da Virxe do Carme ten unha longa tradición. Celebrabase cunha novena, unha misa solemne con sermón, e unha procesión que parte do templo de San Jorge. A imaxe da Virxe percorre as rúas do centro, precedida por nenas vestidas de branco e acompañada por mulleres das cofradías católicas e unha banda de música. Desde 1901, despois de ser proclamada patroa da Marina de Guerra española, a procesión sería presidida por marineros da Armada e autoridades.

Os buques na bahía tamén se empavan para a ocasión, e a festividade marca o inicio da tempada de baños en A Coruña, atraendo ás xentes ás praias da cidade.

A procesión remata co regreso ao porto, onde a sirena da lonxa e as bocinas dos barcos marcan o fin do evento. A Virxe desembarca no mesmo muelle do que saíu e a xente que non participou no desfile marítimo únese á procesión terrestre que leva a imaxe de volta á lonxa, dando por concluída a procesión marítima, aínda que a festa do Carme continúa até a madrugada.

Esta celebración non só preserva unha tradición centenaria, senón que tamén reforza a nosa conexión co patrimonio mariñeiro e relixioso. A procesión no Golfo Ártabro Sur continúa sendo un testemuño da nosa devoción e unha celebración clave no calendario da nosa comunidade.