O mercado de Elviña conta cunha nova e moderna peixería


·         A iniciativa impulsada polo GALP Golfo Ártabro Sur creou un novo posto de peixe que conta con maquinaria moderna que optimizará a venda dos seus produtos.

O mercado de Elviña conta cun remodelado posto de peixe “Pescadería Sonia”. Neste mercado, remodelouse e ampliouse o posto de peixe con nova maquinaria para adaptar a venta tradicional aos gustos do novo consumidor dunha forma innovadora. O proxecto foi financiado con 21.711,13 € con cargo ás axudas ao abeiro da Estratexia de Desenvolvemento Local Participativo (EDLP) do Grupo de Acción Local do Sector Pesqueiro (GALP) Golfo Ártabro Sur. 

As instalacións contan cunha máquina de “pelado” mecanizado de peixe que axudará a aforrar tempo na preparación deste produto. Tamén ten dúas básculas con etiquetadoras que mellorarán a información cara o consumidor, así como mostradores de aceiro inoxidable con metacrilato azul, cun sistema de desxeo baseado en tubos perforados con válvulas. Ademais, tamén conta cunha páxina web para publicitar a venda online e vía telefónica.



Comentarios

Entradas populares de este blog

Aberta a nova convocatoria de axudas 2024

Un estudo ambiental contabiliza en 2.226 a poboación de especies mariñas e terrestes do territorio

Éxito rotundo na convocatoria de axudas 2024