O mesón mariñeiro “A bordo” achegará menús saudables a domicilio ás persoas maiores de Sada e a súa contorna


·         O proxecto do GALP Golfo Ártabro Sur pretende ofrecer, ademais, servizo de comida en embarcacións así como no propio local.  
·         Os produtos procederán da Reserva de Biosfera Mariñas Coruñesas e Terras do Mandeo, buscando a calidade, a proximidade e os produtos ecolóxicos.

O mesón mariñeiro “A Bordo” achegará ás persoas maiores do concello de Sada é da súa contorna menús de calidade e proximidade. Este local, situado no concello de Sada, ofrece a posibilidade de degustar produtos do mar e da terra da contorna no propio local, e proximamente a domicilio e nas propias embarcacións. O proxecto do Grupo de Acción Local do Sector Pesqueiro (GALP) Golfo Ártabro Sur contou cun total de 81.549,93 €.

Os produtos do mar terán a súa orixe na pesca artesanal e de km 0, na busca da máxima frescura e dando a coñecer os seus sabores e valores nutricionais. Os produtos da terra terán a súa orixe na Reserva, buscando, dentro do posible, produtos ecolóxicos.

O mesón ofrece menús, tapas e racións as persoas que se acheguen ao bar, e nun futuro próximo incluirán tamén servicio ás embarcacións e a domicilio para persoas maiores. Neste caso entregaranse menús adaptados ás necesidades de cada particular, centrándose nas persoas maiores que viven soas nas diferentes parroquias ou nas área limítrofes.

Grazas a este proxecto conseguirase crear emprego, dar a coñecer os produtos locais e de proximidade, así como a posibilidade de ofertar uns produtos frescos e de tempada, axudando as persoas que consuman estes menús a levar unha vida sa e equilibrada.



Comentarios

Entradas populares de este blog

Aberta a nova convocatoria de axudas 2024

Un estudo ambiental contabiliza en 2.226 a poboación de especies mariñas e terrestes do territorio

Éxito rotundo na convocatoria de axudas 2024