A cáscara de mexillón reempregada para crear encimeras, lavabos, mostradores ou bañeiras nun dos proxectos do GALP

·         Construcciones M.A. Ramos emprega residuo de concha deste molusco convertido en árido para a fabricación dos seus produtos.

A empresa Construcciones M. A. Ramos reemprega as cáscaras de mexillón para a construción de mobiliario feito con formigón. Unha forma de darlle unha segunda vida ás cunchas deste molusco, aproveitando de forma sostible o patrimonio medioambiental das zonas pesqueiras. Esta acción enmárcase dentro dun dos proxectos do Grupo de Acción Local do Sector Pesqueiro (GALP) Golfo Ártabro Sur, que contou cun orzamento de 172.886,90 €.

Dentro das medidas levadas a cabo no proxecto tamén se reacondicionou un local comercial para acoller exposicións e oficinas. Á súa vez, co proxecto creouse unha nova liña de produción para a propia empresa.