Tres proxectos do GALP Golfo Ártabro Sur no “V Catálogo de la REGP de Buenas Prácticas en DLP”

 

Tres proxectos apoiados polo GALP Golfo Ártabro Sur foron incluídos no "V Catálogo de la Red Española de Grupos de Pesca (REGP) de Buenas Prácticas en DLP del FEMP".

Son:

▪ Ecoturismo no Golfo Ártabro promovido pola Reserva de Biosfera Mariñas Coruñesas e Terras do Mandeo. Esta nova experiencia permite ver o fondo do mar, sen mergullarse cunhas gafas de realidade virtual coas que visualizar vídeos 360º de tres zonas de gran valor ecolóxico.

▪ Proxecto de cooperación Proxecto Tanza, a través do que se propuxo a creación dun ecosistema emprendedor de proxectos e iniciativas de colaboración entre entidades de inclusión social e o sector pesqueiro.

▪ Proxecto de cooperación Relevo2 para promoción do relevo xeracional entre a mocidade. Do GALP Golfo Ártabro Sur participou o alumnado do IES David Buján (Cambre), IES Monte das Moas (A Coruña), O Mosteirón e Isaac Díaz Pardo (ambos de Sada) e Rego de Trabe (Culleredo).