Novos cursos para persoas vinculadas co mundo do mar

Áreas	Cursos ofertados	Horas
MADEIRA	Elaboración e instalación de cubertas de madeira en embarcacións menores	300
COMPOSITES	Laminado manual en poliéster para pezas de uso en acuicultura e construción naval	300
INSTALACIÓNS	Electricidade e hidráulica básicas aplicadas ao buque	275
INSTALACIÓNS	Mecánica básica de motores de embarcacións menores	150
VELERÍA	Velería e acastillaxe	350
PNEUMÁTICAS	Reparación de embarcacións pneumáticas	300
REDES	Confección e mantemento de artes e aparellos	330
REDES	Curso de formación de formadores para o certificado profesional de confección e mantemento de artes e aparellos	70

Dende o

Centro de Formación A Aixola, achégannos información sobre os novos cursos que estarán en activo tan pronto como lles sexa posible:

 Requisitos para preinscribirse nos cursos:

Estes cursos están dirixidos a persoas vinculadas ao sector pesqueiro, ben sexa pola súa formación ou pola súa profesión. Dita vinculación deberá demostrarse documentalmente do seguinte xeito:

1.       Vinculación laboral (a través dunha destas tres):

·         Contrato en vigor nunha empresa do sector

·         Ter estado contratado nunha empresa do sector nos 36 meses anteriores

·         Ter estado contratado nunha empresa do sector un mínimo de 6 meses na vida laboral

Considerando por empresa do sector pesqueiro aquela que teña o seu ámbito de actividade CNAE nun dos seguintes ámbitos:

• Pesca mariña 03.11
• Procesamento de pescados, crustáceos e moluscos 10.21
• Fabricación de conservas de pescado 10.22
• Comercio ao por maior de pescado, marisco e outros produtos alimenticios 46.38
• Comercio polo miúdo de pescado e marisco en establecementos especializados 47.23

2.       Vinculación formativa:

·         Estar en posesión de algún título formativo da familia marítimo pesqueira

*Podedes atopar toda a información aquí: http://aixola.cetmar.org/requisitos-para-o-alumnado/

Preinscrición:

Podedes realizar a preinscrición completando o formulario que hai dentro de cada curso na web do centro: http://aixola.cetmar.org/volvemos/

Para realizar a selección, os candidatos terán que realizar unha proba presencial de coñecementos básicos e unha entrevista persoal (que poderá ser telefónica).

 

Para máis información podes visitar a páxina web do Centro de Formación A Aixola:

·         http://aixola.cetmar.org/

Ou contactar directamente con eles a través da súa dirección de correo electrónico:

·         aixola@cetmar.org